20-20 ලෝක කුසලානයට සිංහ පෝතකයින් කැන්ගරු දේශය බලා පිටත්ව යයි (ඡායාරූප)

පන්දුවාර විස්ස ලෝක කුසලාන තරගාවලියට සහභාගීවන ශ්‍රී ලංකා කණ්ඩායම අද (02) අලුයම දිවයිනෙන් පිටත්ව ගියා.

ඕස්ට්‍රේලියාවේදී පැවැත්වෙන මෙවර තරගාවලිය ලබන 16 වනදා ආරම්භ වීමට නියමිතයි.

තරගාවලිය ආරම්භවීමට තවත් සති දෙකක පමණ කාලයක් තිබියදී කල් වේලා ඇතිවම ශ්‍රී ලංකා කණ්ඩායම ඕස්ට්‍රේලියාව බලා පිටත්ව ගියේ එම දේශගුණික තත්ත්වයන්ට සහ තණතීරු සඳහා හුරුවීමේ අපේක්ෂාවෙන්.

තරගාවලිය ආරම්භයට පෙර ශ්‍රී ලංකා කණ්ඩායම පෙර පුහුණු තරග දෙකකට ක්‍රීඩා කරන අතර, අනතුරුව සුදුසුකම් ලැබීමේ වටයේ තරග තුනකට ක්‍රීඩා කිරීමට නියමිතයි.