මෙරට 09 විධායක ජනාධිපතිවරයා ලෙස පත් වූ අනුර කුමාර දිසානායක මහතා රාජාසන කතාව ආරම්භ කර තිබෙනවා.
ඒ ජනාධිපතිවරයා මීට ටික වේලාවකට පෙර පාර්ලිමේන්තු පරිශ්රයෙන් සභා ගර්භයට පැමිණීමෙන් පසුවයි.
ජනාධිපතිවරයා ව සභා ගර්භයට කැඳවාගෙන ඒම කතානායක අශෝක රංවල සහ පාර්ලිමේන්තු මහලේකම්වරිය විසින් සිදු කරනු ලැබුවා.
———————————————————————————————–
ශ්රී ලංකා ප්රජාතාන්ත්රික සමාජවාදී ජනරජයේ 10 වැනි පාර්ලිමේන්තුවේ මංගල සභා වාරය සඳහා ජනාධිපති අනුර කුමාර දිසානායක මහතාගේ සම්ප්රාප්තිය මීට ටික වේලාවකට (21) සිදු කෙරුණා.
අද පෙරවරු 10ට පාර්ලිමේන්තුව මහජන නියෝජිතයින් 225 දෙනාගෙන් යුතුව රැස් වූයේ නව කතානායකවරයෙකුගේ තෝරා පත් කරගැනීම පළමු රාජකාරිය බවට පත් කරගනිමින්.
ඒ අනුව මෙරට 27 වැනි කතානායකවරයා ලෙස ආචාර්ය අශෝක සපුමල් රංවල මහතා තේරීපත් වූයේ අගමැතිනි ආචාර්ය හරිනි අමරසූරිය සහ අමාත්ය විජිත හේරත්ගේ යෝජනා හා ස්ථීර කිරීම් මධ්යයේයි.
මේ අතර අද පෙරවරු 11.10ට කතානායකවරයා වශයෙන් තේරී පත් වූ අශෝක රංවල මහතා පාර්ලිමේන්තුවට පැමිණි අතර ඔහුව පිළිගැනීම පාර්ලිමේන්තු මහලේකම් කුෂානි රෝහණධීර මහත්මිය විසින් සිදු කරනු ලැබුවා.
ඉන් අනතුරුව සම්ප්රදායනුකූලව අග්රාමාත්ය ආචාර්ය හරිනි අමරසූරියගේ සම්ප්රාප්තිය සිදු වුණා.
අග්රාමාත්යවරිය ව පිළිගත්තේ කතානායක අශෝක රංවල සහ පාර්ලිමේන්තු මහලේකම් කුෂානි රෝහණධීර මහත්මිය විසින්.
ඉන් අනතුරුව මංගල සභා වාරයේ මුලසුන හෙබවීම (රාජාසන කතාව) සහ ආණ්ඩුවේ ප්රතිපත්ති ප්රකාශය ඉදිරිපත් කිරීම සඳහා 09 වැනි විධායක ජනාධිපතිවරයා වශයෙන් පත් වූ අනුර කුමාර දිසානායක මහතාගේ සම්ප්රාප්තිය සිදු වුණා.
ජනාධිපතිවරයාව පිළිගත්තේ ද කතානායක සහ පාර්ලිමේන්තු මහලේකම්වරිය විසින්.
මෙහි විශේෂත්වය වන්නේ ජනාධිපතිවරයා ඉතිහාසයේ පළමු වරට විනයාරක්ෂක නිලධාරීන්ගේ හෝ ආරක්ෂක අංශ නිලධාරීන්ගේ කිසිදු සහායකින් තොරව තමන් තනිවම නිල රථයෙන් බැස පාර්ලිමේන්තුව වෙත පිවිසීමයි.
