හෝමූස් සමුද්‍ර සන්ධිය ඇමරිකානු භූමියක් ලෙස ඉක්මනින් ප්‍රකාශයට පත් කළ හැකි බව ඇමරිකානු ජනාධිපති ඩොනල්ඩ් ට්‍රම්ප් පවසනවා.
ඒ, අනුව හෝමූස් සමුද්‍ර සන්ධිය විවෘත වන්නේ හෝ වැසෙන්නේ කවදා ද යන්න තීරණය කරන්නේ තමන් පමණක් බවත් ට්‍රම්ප් ටෙහෙරානයට අවධාරනය කරනවා.
නිව්යෝර්ක්, ගාර්ඩන් සිටි හි පොලිස් ඇකඩමියට පැමිණි ට්‍රම්ප් ජනාධිපතිවරයා ඊයේ (14) මේ බව ප්‍රකාශ කළා.
ඉතා දරුණු ලෙස පරාජයට පත්වෙමින් සිටින ඉරානය පරාජය කිරීම අවසන් කිරීමෙන් පසු හැකි ඉක්මනින්, තමන් හෝමූස් සමුද්‍ර සන්ධිය එක්සත් ජනපදයේ භූමියක් ලෙස ප්‍රකාශයට පත්කරන බවයි ඔහු මෙහිදී වැඩිදුරටත් සඳහන් කර සිටියේ.
මේ අතර ඉරාන නියෝජ්‍ය විදේශ අමාත්‍ය කසෙම් ගරිබාබාඩි ඊට ප්‍රතිචාර දක්වමින් සඳහන් කළේ, සමුද්‍ර සන්ධිය විවෘත වන්නේ කවදාද යන්න හෝ වසා දමන්නේ කවදාද යන්න ඉරානය විසින් ගනු ලබන තීරණ මත සිදුවන බවයි.
වොෂින්ටනය එහි “උපායමාර්ගික පරාජය” පිළිගන්නා තෙක් එහි අවහිර කිරීම දිගටම කරගෙන යන බවත් නියෝජ්‍ය විදේශ අමාත්‍යවරයා වැඩිදුරටත් පවසා තිබෙනවා.
