රජයට බදු මුදල් අහිමි කරමින් තීරුබදු රහිතව නීති විරෝධී ලෙස මෙරටට ආනයනය කරන ලද දුම්වැටි සන්තකයේ තබාගෙන සිටි පුද්ගලයකු පොලිස් විශේෂ කාර්ය බලකා නිලධාරීන්ගේ අත්අඩංගුවට පත් ව තිබෙනවා.
විශේෂ කාර්ය බලකාය කහවත්ත කඳවුරේ නිලධාරීන්ට ලද තොරතුරකට අනුව ඊයේ (06) රත්නපුර පොලිස් වසමේ හිදැල්ලන ප්රදේශයේ හෝටලයක පිහිටි රථ ගාල තුළ දීයි මෙම වැටලීම සිදු කර ඇත්තේ.
එහිදී තීරුබදු රහිතව මෙරටට ආනයනය කරන ලද සිගරට් 2,612ක් සන්තකයේ තබාගෙන යතුරුපැදියකින් ප්රවාහනය කරමින් සිටි අතුරුගිරිය ප්රදේශයේ පදිංචි වයස අවුරුදු 27ක පුද්ගලයකු අත්අඩංගුවට ගැනුණා.
සිද්ධිය සම්බන්ධයෙන් රත්නපුර පොලිස් ස්ථානය වැඩිදුර විමර්ශන සිදු කරනවා.
