තම පෙම්වතා සමග පැන යාමට අවශ්ය ව එක් දරු මවක විසින් රාත්රී නින්දේ සිටි ඇයගේ නීත්යනුකූල සැමියාගේ ගෙල කපා ඝාතනය කර තිබෙනවා.
ඉන්දීය මාධ්ය වාර්තා කළේ සැකකාරිණියගේ 12 හැවිරිදි දරුවා සිය කාමරයේ ඇසුණු කිසියම් කෙඳිරිලි හඬක් හේතුවෙන් ඇහැරී ඇති බවත්, එහිදී දැක ඇත්තේ තමන් අසල නිදා සිටි පියාගේ කට මව විසින් තදින් තද කරගෙන, පියාගේ ගෙලට තියුණු ආයුධයකින් එක දිගට පහරදෙන බවයි.
ඒ වනවිට පියාගේ සිරුරෙන් ගලා ගිය රුධිරයෙන් දරුවාගේ ශරීරය ම තෙත් ව තිබී ඇති බවත් පැවසෙනවා.
ශයිලේන්ද්ර නමැති මෙම පිරිමි දරුවා කෑ ගැසීමට උත්සාහ කරන විට මව තර්ජනය කර ඇත්තේ ශබ්ද නැගුවහොත් පියාට අත් වූ ඉරණම ම දරුවාට ද අත් කරන බවයි.
සැකකාර මව වන උෂා දේවි, මෙම සාහසික අපරාධය බිහාර් ප්රාන්තයේ පූර්ණියාහි පිහිටි සිය නිවසේ දී සිදු කර තිබෙනවා.
35 හැවිරිදි කාන්තාව සහ 45 හැවිරිදි පන්ජාබ් හි කම්කරුවෙකු ලෙස සේවය කරන මරණකරුට දාව දරුවන් තිදෙනෙකු සිටින බවත් ප්රාන්ත පොලිසිය සඳහන් කළා.
දෙදෙනා අතර ආරවුල් පැවතුණු බවත්, සැමියා විසින් ඉදිකරන ලද නිවසෙහි ඉඩම සැකකාරිණිය විසින් විකුණා දමා ඇති බවත් හෙළි ව තිබෙනවා.
එම ඉඩම විකුණා ඇත්තේ අනියම් ඇසුර පැවැත්වූ පෙම්වතාගේ ඉල්ලීම මත බවයි වාර්තා වන්නේ.
මේ ඉන්දියවෙ වෙන අපරධ මොකටද අපේ ප්ර්ව්රර්තියක් වගෙ දන්නෙ.මේවගෙ දෙවල් ද්මිමෙන් වලකින්න