හොංකොං හි මාධ්යවේදීන් සහ ඔවුන්ගේ පවුල් චීන කොමියුනිස්ට් පක්ෂයෙන් උග්රවන හිරිහැර සහ තර්ජන අත්විඳිමින් සිටින බව හොංකොං මාධ්යවේදීන්ගේ සංගමය පවසනවා.
එහි සභාපතිනි සෙලිනා චෙන්ග් ප්රකාශ කළ පරිදි මෑත මාසවලදී මෙම සිදුවීම්වල වාර ගණන සහ බරපතළකම වැඩි වී තිබෙනවා.
ඔවුන් කරන ලද සොයා බැලීමකින් හෙළි ව ඇත්තේ මෙම වසරේ ජුනි සහ අගෝස්තු අතර ක්රමානුකූලව හිරිහැර කිරීම් උපරිම වූ අතර අගෝස්තු සිට කැපී පෙනෙන වැඩිවීමක් ඇති බවයි.
මෙම බිය ගැන්වීමේ රැල්ල මාධ්ය ආයතන 13ක් සහ පුවත්පත් පුහුණු ආයතන දෙකක් ඇතුළුව සංවිධාන 15කට බලපෑ බව හොංකොං මාධ්යවේදීන්ගේ සංගමය පවසනවා.
චීනයේ ඉලක්ක අතර ඉලක්ක අතර HKJA, Hong Kong Free Press, Inmedia සහ Hong Kong Feature වනවා.
ජූනි මාසයේ සිට, Microsoft Outlook ගිණුම් වලින් නිර්නාමික ඊමේල්, ‘දේශප්රේමීන්’ වෙතින්, අවම වශයෙන් මාධ්යවේදීන්ගේ පවුල් 15ක් සහ ඔවුන්ගේ සේවා යෝජකයන් වෙත ලැබී තිබෙනවා.
චීන කොමියුනිස්ට් පක්ෂයේ ඔත්තු බැලීමේ අංශ, මෙම ක්රියාකාරකම් මෙහෙයවමින් සිටින බව විශ්වාස කෙරෙන අතර ඔවුන්ගේ අරමුණ මාධ්යවේදීන් ප්රජාව බිය ගන්වා තම වෘත්තිය අත්හැරීමට හෝ රට හැර යෑමට පෙළඹවීම බව සැලකෙනවා.
අගෝස්තු මාසයේ සිට, ෆේස්බුක් ඔස්සේ මාධ්යවේදීන් ඉලක්ක කර ගනිමින් තර්ජනාත්මක පළ කිරීම් වල වැඩිවීමක් දැක ඇති අතර, නීත්යානුකූල වාර්තාකරණය වුවද නීති විරෝධී හෝ දේශද්රෝහී ලෙස ලේබල් කරනු දක්නට ලැබෙනවා.
අවම වශයෙන් මාධ්යවේදීන් 36 දෙනෙකු එලෙස ලේබල් කර ඇතැයි හොංකොං මාධ්යවේදීන්ගේ සංගමය සොයා ගත්තා.
