කළුතර දකුණ පොලිස් බල ප්රදේශයට අයත් බෝධියාවත්ත, හතරවන පටුමගේ පිහිටි නිවසකට ඇතුළු වූ පුද්ගල කණ්ඩායමක් විසින් ඊයේ (15) සවස එම නිවසට පෙට්රල් දමා ගිනිබත්කොට තිබෙනවා.
නිවසට ගිනි තබන අවස්ථාවේ එම නිවසේ හිමිකරු, ඔහුගේ මව සහ තවත් පුද්ගලයෙක් නිවස තුළ රැඳී සිට ඇති බවයි වාර්තා වන්නේ.
ඒ අතරින් එක් පුද්ගලයෙක්ට සුළු පිළිසුම් තුවාල සිදුව තිබෙනවා.
මෙලෙස ගිනි තබා ඇත්තේ, මාසයකට පමණ පෙර හෙරොයින් මත්ද්රව්ය කිලෝවකට ආසන්න ප්රමාණයක් සමඟ සැකකරුවන් තිදෙනෙක් අත්අඩංගුවට ගැනීම සඳහා පොලිස් විශේෂ කාර්ය බළකාය වෙත ඔත්තුවක් ලබාදුන් පුද්ගලයෙක්ගේ නිවසක් බවයි වාර්තා වන්නේ.
සිද්ධිය සම්බන්ධයෙන් කළුතර දකුණ පොලිසිය ඇතුළු පොලිස් අංශ කිහිපයක් විමර්ශන සිදු කරනවා.
කළුතර මහ නගර සභාවේ ගිනි නිවන නිලධාරීන් පැමිණ ගින්න පැතිරීම පාලනය කර තිබෙනවා.
කෙසේ වෙතත් අනතුරින් තුවාල ලැබූ පුද්ගලයා ප්රතිකාර සඳහා කළුතර ශික්ෂණ රෝහලට ඇතුළත්කර තිබුණා.
