හිස්බුල්ලා සටන්කාමීන්ට එරෙහිව එල්ල කළ ප්රහාරයේ ප්රගතිය සම්බන්ධයෙන් සමාලෝචනය කර ඇති ඊශ්රායලය ඒ පිළිබඳ ව සිය සතුට දැඩිව ප්රකාශ කර ඇති බවට වාර්තා වනවා.
බීබීසී පුවත් සේවය පැවසුවේ; එය ආයුධ සන්නද්ධ පේජර් සහ රේඩියෝ පුපුරුවා හැරීමෙන් ආරම්භ වී පසුව ගුවන් ප්රහාර දක්වා තීව්ර වූ බවටයි.
ඊශ්රායලයේ ආරක්ෂක අමාත්ය Yoav Gallant පවසා ඇත්තේ මෙම සතිය තමන්ට විශිෂ්ට ලෙස ගෙවුණු සතියක් වූ බවත් හිස්බුල්ලා සංවිධානය පිහිටවීමෙන් පසුව ඔවුන්ට උදා වූ නරකම සතිය මෙය ලෙසට මතක් කරදීමට හැකි වීම ම සතුටක් බවටයි.
හිස්බුල්ලා සංවිධානය විසින් එල්ල කරන ලද ගුවන් ප්රහාරවලින් ඊශ්රායල වැසියන් බේරා ගැනීමට ගත හැකි සෑම වෑයමක් ම ඔවුන් ගත් බව ද හෙතෙම පවසා තිබෙනවා.
මෙම ක්රියාවලියේදී ලෙබනනය පවසන්නේ ඊශ්රායලය සිය පුරවැසියන් 550කට වැඩි ප්රමාණයක් මරා දැමූ බවත්, ඒ අතර ළමුන් 50ක් ද සිටින බවයි.
එය 2006 දී ඊශ්රායලය සහ හිස්බුල්ලා සංවිධානය අතර මාසයක යුද්ධයකින් ලෙබනනයේ මියගිය ප්රමාණයෙන් අඩක් පමණ වන බව ද වාර්තා වනවා.
