හිස්බුල්ලා සංවිධානයේ නව නායකයා ලෙස සැලකෙන ජ්‍යෙෂ්ඨ නායක හෂේම් සෆීඩින් සම්බන්ධකර ගැනීමට එම සංවිධානයට හැකියාවක් ලැබී නොමැති බව අල්ජසීරා පුවත් සේවය සඳහන් කර සිටිනවා.
එම පුවත් සේවය වැඩිදුරටත් වාර්තා කර සිටින්නේ; හිස්බුල්ලා සංවිධානයේ නායක හසන් නස්රල්ලා ජීවිතක්ෂයට පත්වීමෙන් පසු ජ්‍යෙෂ්ඨ නායක හෂේම් සෆීඩින් නව නායකයා ලෙස කටයුතු කිරීමට නියමිතව තිබූ බවයි.
ඔහු භූගත බංකරයක් තුළ රැඳී සිටි බවට තොරතුරු අනාවරණය වුවද පසුගිය සිකුරාදායින් (04) පසු ඔහු සම්බන්ධකර ගැනීමට මෙතෙක් හැකියාව ලැබී නොමැති බවද එම මාධ්‍ය වාර්තා වැඩිදුරටත් පෙන්වා දෙනවා.
