විශ්වවිද්යාල සහ උසස් අධ්යාපන තුළ පවතින ඉඩකඩ ප්රමාණවත් නොවීමේ ගැටලුව නිසා සිසුන් විවිධ ආකාරයේ පීඩාවන්ට සිටින බැවින් එම ගැටලුවට විසඳුම් ලබාදෙන ලෙස පසුගිය කාලය මුලුල්ලේ අදාළ පාර්ශ්වයන්ගෙන් ඉල්ලා සිටියත් මේ වනතුරු ඒ සඳහා නිසි පිළිතුරු ලැබී නොමැති බව අන්තර් විශ්වවිද්යාලයීය ශිෂ්ය බලමණ්ඩලය පවසනවා.
කෙසේ වෙතත් ඒ සම්බන්ධයෙන් තීරණාත්මක පියවරක් අද (14) දින සිට ආරම්භ කරන බවයි අන්තර් විශ්වවිද්යාලයීය ශිෂ්ය බලමණ්ඩලය දැනුම්දෙනවා.
හිමිකරුවෙක් නොමැති ඉඩමක් ලෙස ප්රකට වූ මල්වානේ පිහිටි අක්කර 16ක ඉඩම ඇතුළු ජනතාවගෙන් සොරාගත් බව කියන දේපල, ඉඩකඩ සීමිත විශ්වවිද්යාල සඳහා සහ පොදු ජනතා පරිහරණය සඳහා පවරන ලෙස ඉල්ලා විරෝධතා ක්රියාමාර්ගයක් ආරම්භ කිරීමට සූදානම් කර ඇති බවයි ඔවුන් පෙන්වා දෙන්නේ.
මෙම විරෝධතා ක්රියාමාර්ගය, අද (14) පස්වරු 2.00ට මල්වානේ ඉඩම සහ නිවස පිහිටා ඇති ස්ථානයේ දී ආරම්භ කරන බව අන්තර් විශ්වවිද්යාලයීය ශිෂ්ය බලමණ්ඩලයේ කැඳවුම්කරු, සසිඳු පෙරේරා පවසනවා.
ඒ අනුව මේ වන විට අන්තර් විශ්වවිද්යාලයීය ශිෂ්ය බලමණ්ඩලය පිරිසක් එම ස්ථානයට ගොස් විරෝධතාවයේ නිරත වන අතර ඒ අවට පොලිස් ආරක්ෂාවක්ද සපයා තිබෙනවා.
