අරන්තලාව විශේෂ කාර්ය බලකා කඳවුරේ නිලධාරීන්ට ලද තොරතුරකට අනුව එම නිලධාරීන් කණ්ඩායමක් විසින් ඊයේ (28) දින අම්පාර පොලිස් වසමේ කාරන්ගාම ප්රදේශයේ දී වැටලීමක් සිදුකර තිබෙනවා.
එහි දී නිවසක් තුළ අනවසරෙන් කැණිම් යන්ත්ර උපයෝගි කරගනිමින් අඩි 35ක් පමණ ගැඹුරට නිධන් හාරමින් සිටි පුද්ගලයින් දෙදෙනෙකු වතුර මෝටරයක්, හිල්ටියක් සහ වයර් කෝඩ් ඇතුළු කැණිම් උපකරණ සමග අත්අඩංගුවට ගෙන ඇති බවයි වාර්තා වන්නේ.
මෙලෙස අත්අඩංගුවට ගෙන ඇත්තේ අම්පාර ප්රදේශයේ පදිංචි වයස අවුරුදු 43ක් සහ 47ක් වන පුද්ගලයින් දෙදෙනෙක්.
මෙම සිද්ධිය සම්බන්ධයෙන් අම්පාර පොලීසිය වැඩිදුර විමර්ශන කටයුතු සිදු කරන බව අප වාර්තාකරු සඳහන් කළා.
