රුපියල් හාරකෝටි තිස් අටලක්ෂ අසූ දහසක් පමණ වටිනා ‘කුෂ්’ මත්ද්රව්ය තොගයක් සමග ගුවන් මගියෙකු මෙරටට පැමිණීමේ දී අත්අඩංගුවට ගැනුණා.
අද (24) පෙරවරු 11ට පමණ තායිලන්තයේ බැංකොක් නුවර සිට ශ්රී ලන්කන් ගුවන් සේවයේ UL 403 දරන ගුවන් යානයෙන් සැකකරු කටුනායක ගුවන් තොටුපොළ වෙත පැමිණ ඇති බවයි වාර්තා වන්නේ.
ඔහු කිසිවක් ප්රකාශ කිරීමට නොමැති “හරිත මාවත” (Green Channel) ඔස්සේ කටුනායක ගුවන් තොටුපොළෙන් පිටතට යාමට උත්සාහ කිරීමේ දී රේගු නිලධාරීන් විසින් අත්අඩංගුවට ගනු ලැබුවා.
සැකකරු කොළඹ ප්රදේශයේ පදිංචි 30 හැවිරිදි ත්රීරෝද රථ රියදුරෙක් බවත් පැවසෙනවා.
ඔහු විසින් රැගෙන විත් තිබූ ගමන් මල්ල තුළ “කුෂ්” මත්ද්රව්ය කිලෝග්රෑම් 04යි ග්රෑම් 388ක් අඩංගු පාර්සල් 05ක් තිබූ බවයි වාර්තා වන්නේ.
මේ වනවිට මෙම පුද්ගලයා සහ ඔහු විසින් රැගෙන විත් තිබූ “කුෂ්” මත්ද්රව්ය තොගය වැඩිදුර විමර්ශන කටයුතු සඳහා කටුනායක ගුවන් තොටුපොළ පොලිස් මත්ද්රව්ය කාර්යාංශයේ නිලධාරීන් වෙත භාරදීමට පියවර ගෙන තිබෙනවා.
