පසුගිය 07 වනදා ඊශ්රායලයට එල්ල වූ හමාස් ත්රස්ත ප්රහාරයෙන් ජීවිතක්ෂයට පත් වූ අනුලා ජයතිලකගේ දේහය සම්බන්ධයෙන් වන අවසන් කටයුතු අද (30) සිදු කිරීමට නියමිතව තිබෙනවා.
කැළණිය,වේවැල්දූව පොදු සුසන භූමියේ දී ඇයගේ අවසන් කටයුතු සිදුකිරීමට නියමිත බවයි වාර්තා වුණේ.
සාත්තු සේවිකාවක් ලෙස ඊශ්රායලයේ සේවය කරමින් සිටිය දී එල්ල වූ හමාස් ප්රහාරවලින් ජීවිතක්ෂයට පත් අනුලා ජයතිලකගේ දේහය පසුගිය සෙනසුරාදා පෙරවරුවේ දිවයිනට රැගෙන ආවා.
අනතුරුව දේහය සම්බන්ධයෙන් පශ්චාත් මරණ පරීක්ෂණයක් මීගමුව මහ රෝහලේ දී සිදුකිරීමෙන් අනතුරුව දේහය පවුලේ ඥාතීන්ට භාර දුන්නා.
සිදුකළ පශ්චාත් මරණ පරීක්ෂණයෙන් අනාවරණය වී තිබුණේ වෙඩි ප්රහාරයකින් ඇය ජීවිතක්ෂයට පත්ව ඇති බවයි.
