පසුගියදා ඊශ්රායල හමුදාව විසින් ඝාතනය කළ හමාස් නායක යහ්යා සින්වාර්, ගසා තීරයේ රැඳී සිටි භූගත බංකරයක දර්ශන ඊශ්රායල ආරක්ෂක අංශ විසින් ප්රසිද්ධියට පත්කර තිබෙනවා.
ඊශ්රායලට එල්ල වූ ඔක්තෝම්බර් 07 ප්රහාරයේ මහ මොළකරු ලෙස සැලකෙන යහ්යා සින්වාර් විනාශ වූ ඛාන් යුනිස් නගරයට යටින් ඉතා සැප පහසු අන්දමට සකසා තිබූ මෙම භූගත බංකරය තුළ රැඳී සිට ඇති බවයි තොරතුරු වාර්තා වන්නේ.
මම භූගත බංකරය තුළ තිබී එක්සත් ජාතීන්ගේ පලස්තීන සරණාගත ඒජන්සියේ ලාංඡනය සමඟ ලේබල් කර ඇති ආහාර මළු, ඊශ්රායල මුදල් මිලියන ගණනක් පිරවූ විශාල සේප්පුවක්, සුවඳ විලවුම් බෝතල් කිහිපයක්, සනීපාරක්ෂක ද්රව්ය ඇතුළු භාණ්ඩ රැසක් සොයාගෙන තිබෙනවා.
ඊට අමතරව බංකරයේ දොරට යාබදව, ආයුධ, පතොරම් සහ පුපුරණ ද්රව්ය තොගයක් පිරවූ ලොකර් කිහිපයක් ද සොයාගෙන ඇති බවයි වාර්තා වුණේ.
ඊශ්රායල මූලාශ්රවලට අනුව, සින්වාර් යුද්ධයෙන් වැඩි කොටසක් පොළව යට සැඟවී, හමාස් මෙහෙයුම් මෙහෙයවමින් සිට ඇති බවටයි අනාවරණය වී ඇත්තේ.
