බංග්ලාදේශ ක්රිකට් කණ්ඩායමේ ප්රධාන පුහුණුකරු ලෙස කටයුතු කළ චන්දික හතුරුසිංහගේ සේවය වහාම අත්හිටුවීමට බංග්ලාදේශ ක්රිකට් බලධාරීන් කටයුතු කර ඇති බව වාර්තා වනවා.
විනය හේතුමත ඔහුගේ සේවය මෙලෙස අත්හිටුවීමට කටයුතු කර ඇති බවයි වාර්තා වන්නේ.
හතුරුසිංහගේ සේවය පැය 48කට අත්හිටුවා ඇති අතර, වහාම ක්රියාත්මකවන පරිදි ඔහුගේ සේවය නිම කිරීමට ද කටයුතු කරන බවයි විදේස් වාර්තා සඳහන් කළේ.
මේ අතර බටහිර ඉන්දීය කොදෙව් පුහුණුකරුවෙක් වන ෆිල් සිමන්ස් 2025 චැම්පියන්ස් කුසලානය දක්වා බංග්ලාදේශ පිළේ අන්තර්කාලීනව ප්රධාන පුහුණුකරු ලෙස වැඩ ගැනීමට නියමිත බවයි වාර්තා වුණේ.
පසුගිය පෙබරවාරි මාසයේ දී හතුරුසිංහ බංග්ලාදේශයේ ප්රධාන පුහුණුකරු ලෙස දෙවැනි වරටත් පත්කර ගත අතර, එම පත් කිරීම සම්බන්ධයෙන් වත්මන් බංග්ලාදේශ ක්රිකට් සභාපති ෆාරුක් අහමඩ් එතරම් කැමැත්තක් දැක්වූයේ නැහැ.
හතුරුසිංහ යටතේ, පසුගිය වසරේ එක්දින ලෝක කුසලාන සහ විස්සයි විස්ස ලෝක කුසලානයට පැමිණි බංග්ලාදේශය එම තරඟාවලි දෙකේ දී එතරම් දක්ෂතා දැක්වීමට සමත් වූයේ නැහැ.
ඔහුගේ කාල සීමාව තුළ ඔහුගේ හොඳම ජයග්රහණය වූයේ මේ වසරේ පාකිස්තානයට එරෙහිව බංග්ලාදේශය ලැබූ ඉතිහාස ගත ටෙස්ට් තරඟාවලි ජයග්රහණය පමණයි.
