මෙවර අයවැය මගින් සෞඛ්ය අමාත්යාංශයට වෙන් කළ ප්රතිපාදන යටතේ ක්රියාත්මක ව්යාපෘතිවල ප්රගතිය විමසා බැලීමේ සාකච්ඡාවක් ජනාධිපති අනුර කුමාර දිසානායකගේ ප්රධානත්වයෙන් ජනාධිපති කාර්යාලයේදී අද (06) පස්වරුවේ පැවැත් වුණා.
සෞඛ්ය ක්ෂේත්රයට අදාළ ඉදිකිරීම් ඇතුළු යටිතල පහසුකම් සංවර්ධනය හා මානව සම්පත් සංවර්ධනය සඳහා ක්රියාත්මක කර ඇති ව්යාපෘතිවල ප්රගතිය වෙන් වෙන් වශයෙන් විමසා බැලීම මෙහිදී සිදු කෙරුණු අතර, ඒවා ක්රියාත්මක කිරීමේදී මතුව ඇති ගැටලු පිළිබඳ පුළුල් ලෙස සාකච්ඡා කෙරුණා.
එමෙන්ම, ඖෂධ ගෙන්වීමේ ප්රසම්පාදන ක්රියාවලියට සහ ඖෂධ ප්රමිතිගතකරණයට අදාළව මතුව ඇති අභියෝග පිළිබඳවද මෙහිදී අවධානය යොමු වුණා.
සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස, ජනාධිපති ලේකම් ආචාර්ය නන්දික සනත් කුමානායක, මුදල් අමාත්යාංශයේ ලේකම් මහින්ද සිරිවර්ධන, සෞඛ්ය හා ජනමාධ්ය අමාත්යාංශයේ ලේකම් විශේෂඥ වෛද්ය අනිල් ජාසිංහ, ජනාධිපති ජ්යෙෂ්ඨ අතිරේක ලේකම්වරුන් වන රසල් අපෝන්සු, කපිල ජනක බණ්ඩාර යන ය සහ මුදල් අමාත්යාංශයේ හා සෞඛ්ය අමාත්යාංශයේ නිලධාරීන් පිරිසක් මෙම අවස්ථාවට එක්ව සිටියා.
