ගව ගොම ගොඩක තිබී රුපියල් ලක්ෂ 20කට අධික මුදලක් සොයාගත් පුවතක් ඉන්දීය මධ්ය වාර්තා කරනවා.
ඉන්දියාවේ බාලසෝර් ප්රදේශයේ පිහිටි බඩමන්දරුනි ගම්මානයේ; හයිද්රාබාද් සහ ඔඩීෂා ප්රාන්තවල පොලිස් කණ්ඩායම් විසින් ඊයේ (16) කරන ලද වැටලීම දී මෙම මුදල් තොගය සොයාගෙන ඇති බවයි වාර්තා වුණේ.
ගෝපාල් බෙහේරා නමැති සැකකරුවෙකුගේ මාමණ්ඩියගේ නිවස වටලා මෙම මුදල සොයාගෙන ඇති අතර, ගෝපාල් බෙහේරා නැමැත්තා මෙම මුදල ඔහු සේවය කළ ආයතනයකින් සොරාගෙන ඇති බවයි තොරතුරු වාර්තා වන්නේ.
මේ වනවිට පළාගොස් සිටින සැකකාර ගෝපාල් බෙහේරා, ඔහු සේවය කළ හයිද්රාබාද් හි කෘෂිකාර්මික සමාගමක ලොකරයෙන් මෙම රුපියල් ලක්ෂ 20කට අධික මුදල සොරකම් කර ඇති බවයි සඳහන්.
පසුව ඔහු එම මුදල තම මස්සිනා හරහා ගමට ඒවා ඇති බවයි කරුණු අනාවරණය වී ඇත්තේ.
මෙම මුදල් සොරකම සම්බන්ධයෙන් ලැබුණු පැමිණිල්ලට අනුව ක්රියාත්මක වූ පොලිසිය සිදුකළ වැටලීමක දී ගොම ගොඩක සඟවා තිබූ එම මුදල සොයාගැනීමට හැකිව තිබෙනවා.
මේ වනවිට සඟවා සිටින ප්රධාන සැකකරුවන ගෝපාල් බෙහේරා නැමැත්තා සහ ඔහුගේ මස්සිනා අත්අඩංගුවට ගැනීමට වැඩිදුර විමර්ශන අරඹා තිබෙනවා.
