ගල්කිස්ස, සේරම් මාවත ප්රදේශයේ පවත්වාගෙන ගිය ගණිකා නිවාසයක් වලාන දූෂණ මර්ධන ඒකකයේ නිලධාරීන් විසින් වටලා තිබෙනවා.
එහි කළමණාකරු සමඟ විදෙස් ජාතික කාන්තාවන් පස් දෙනෙකු එහිදී අත්අඩංගුවට ගෙන තිබෙනවා.
වලාන දූෂණ මර්ධන ඒකකයේ නිලධාරීන්ට ලැබුණු තොරතුරක් මත ඊයේ (29) පස්වරුවේ මෙම වැටලීම සිදුකර ඇති බව පොලිසිය සඳහන් කළා.
අත්අඩංගුවට ගත් සැකකරු සහ සැකකාරියන් 51, 35, 31, සහ 28 යන වයස්වල පසුවන අය බවයි පොලිසිය පැවසුවේ.
සැකකරු කුරුණෑගල ප්රදේශයේ පදිංචිකරුවෙක් වන අතර අත්අඩංගුවට ගැනුණු සැකකාරියන් ඉන්දුනීසියානු ජාතික කාන්තාවන් බවයි වාර්තා වන්නේ.
මොවුන් අද (30) දිනයේ දී ගල්කිස්ස මහේස්ත්රාත් අධිකරණ හමුවට ඉදිරිපත් කිරීමට නියමිතව තිබුණා.
