පොලීසියේ දී විභාග කර සමථයකට පත් කිරීමට නොහැකි වූ පැමිණිල්ලක් අධිකරණය වෙත ඉදිරිපත් නොකර සිටීමට පොලිස් නිලධාරියෙකුට රුපියල් 15,000ක අල්ලස් මුදලක් ලබාදීමට උත්සාහ කළ කාන්තාවක්ව වෙන්නප්පුව පොලීසිය විසින් අත්අඩංගුවට ගෙන තිබෙනවා.
සැකකාර කාන්තාව ඊයේ (14) පස්වරුවේ අත්අඩංගුවට ගෙන ඇති බවයි වාර්තා වුණේ.
මෙලෙස අත්අඩංගුවට ගැනුණු කාන්තාව වෙන්නප්පුව, දකුණු දුම්මලදෙණිය ප්රදේශයේ පදිංචි 67 හැවිරිදි තැනැත්තියක් බවයි පොලිසිය සන්ධාන කළේ.
ඉඩම් ආරවුලක් සම්බන්ධයෙන් වූ පැමිණිල්ලක් ඊයේ (14) දින වෙන්නප්පුව පොලීසියේ සුළු පැමිණිලි අංශයේ දී විභාගයට ගෙන තිබෙනවා.
එම පැමිණිල්ල දෙපාර්ශ්වය සමථයකට පත් නොවී ඇති අතර, අවසානයේදී එය ආරවුලක් බවට පත්ව ඇති බවයි වාර්තා වුණේ.
ඒ අනුව ඇතිවු ආරවුල අධිකරණයට ඉදිරිපත් කිරීමට පැමිණිල්ල විභාග කළ සුළු පැමිණිලි අංශයේ ස්ථානාධිපතිවරයා සූදානම් වී තිබෙනවා.
එම අවස්ථවේ දී එය අධිකරණට ඉදිරිපත් නොකර සිටීම සදහා සැකකාර කාන්තාව විසින් සූළු පැමිණිලි අංශයේ ස්ථානාධිපතිවරයාට රුපියල් 15,000 ක අල්ලස් මුදලක් ලබා දී ඇති බවයි අනාවරණය වී ඇත්තේ.
ඒ, අනුව රජයේ නිලධාරියෙකුට අල්ලස් ලබාදීමේ චෝදනාව යටතේ සැකකාරියව එම අවස්ථාවේදී අත්අඩංගුවට ගෙන ඇති අතර, සැකකාරිය පොලිස් නිලධාරියා වෙත අල්ලස් ලෙස ලබා දී ඇති රුපියල් 5000 නෝට්ටු 03ක්ද නඩු භාණ්ඩ ලෙස පොලිස් භාරයට ගෙන තිබෙනවා.
අත්අඩංගුවට ගැනුණු සැකකාර කාන්තාව අල්ලස් හා දූෂණ විමර්ශණ කොමිෂමට භාරදීමට නියමිතව බවයි පොලිසිය සඳහන් කළේ.
🤣