සුරේෂ් සලේ සම්බන්ධයෙන් එජාපයෙන් නිවේදනයක්

ආණ්ඩුක්‍රම ව්‍යවස්ථාවට සහ ජාත්‍යන්තර සම්මුතියට පටහැනිව මේජර් ජනරාල් සුරේෂ් සලේට සැලකීම තරයේ හෙළා දකින බව
එක්සත් ජාතික පක්ෂය පවසනවා.

විශේෂ නිවේදනයක් නිකුත් කරමින් එක්සත් ජාතික පක්ෂය මේ බව සඳහන් කරනවා.

අදාළ නිවේදනය මඟින් වැඩිදුරටත් දක්වා ඇත්තේ සුරේෂ් සලේට සලකා තිබෙන ආකාරය පරීක්ෂා කර බැලීම සඳහා පාර්ලිමේන්තු මන්ත්‍රී කණ්ඩායමක් යැවීම සුදුසු බවයි.

මෙම ප්‍රශ්නය සම්බන්ධයෙන් භයානක තත්ත්වය තම පක්ෂය දකින බවත් සුරේෂ් සලේට සලකන ආකාරය සාමාන්‍යයකරණය වුවහොත් විපක්ෂයේ කණ්ඩායම්වලට ද ඒ තත්ත්වය අදාළ කළ හැකිවනු ඇති බවත්, එය ඉතා භයානක ප්‍රවණතාවයක් වන බවත් අදාළ නිවේදනයේ වැඩිදුරටත් සඳහන්.