පන්දුවාර විස්සයි විස්ස ලෝක කුසලාන තරගාවලියේ සුපිරි 12 වටයේ (31) පැවති තරගයකින් නවසීලන්තය හමුවේ පරාජය වන්නට ඉන්දියාවට සිදුවුණා.
ඉන්දියාව පරාජය කරමින් නවසීලන්තය මෙම තරගය ජය ගත්තේ කඩුලු 08කින්.
ඒ අනුව සුපිරි 12 වටයේ දී ඉන්දියාව සහභාගී වූ තරග දෙකම මේ වනවිට පරාජයට පත්වීම ද විශේෂත්වයක්
අද තරගයේ කාසිය වාසිය දිනූ නවසීලන්ත ආරාධනයෙන් පළමුව පන්දුවට පහර දුන් ඉන්දීය කණ්ඩායමට නියමිත පන්දුවාර 20 තුළ කඩුලු 09ක් දැවී රැස්කර ගත හැකි වුයේ ලකුණු 110ක් පමණයි.
පන්දු යැවීමේ දී ට්රෙන්ට් බෝල්ට් ඉන්දීය කඩුලු 03ක් බිද දැමුවේ තමන් යැවූ පන්දුවාර 04 තුළ ලකුණු 20ක් පමණක් ලබා දෙමින්.
ලකුණු 111ක ජයග්රාහී ඉලක්කයක් හඹා ගිය නවසීලන්ත ක්රීඩකයින් පන්දුවාර 14යි පන්දු 03ක් තුළ කඩුලු 02ක් පමණක් දැවී එම ඉලක්කය සපුරා ගත්තා.
එහිදී ඩැරල් මිචෙල් ලකුණු 49ක් රැස්කළ අතර සිය කණ්ඩායම ජයග්රහණය කරා රැගෙන ගිය නායක කේන් විලියම්සන් නොදැවී ලකුණු 32ක් රැස් කළා.
