බෝම්බ හෙලන ලද ගාසා තීරයේ අපද්රව්යවල පෝලියෝ වෛරසය හඳුනා ගැනීමත් සමඟ ගාසා වැසියන් නව සෞඛ්ය අර්බුදයකට මුහුණ පා සිටින බව ගාසා හි සෞඛ්ය පසුගිය දා අනාවරණය කළා.
ගාසා හි සෞඛ්ය අංශ සඳහන් කළේ යුනිසෙෆ් සමඟ සම්බන්ධීකරණයෙන් සිදුකරන ලද අපද්රව්ය සාම්පල පිළිබඳ පරීක්ෂණවලින් පෝලියෝ වෛරසය පවතින බව තහවුරු වූ බවයි.
යටිතල පහසුකම් විනාශ වීම හේතුවෙන් අවතැන් වූ පුද්ගලයින් සහ නේවාසික කලාප හරහා ගලා යන අපද්රව්යවල වෛරසය පැවතීම නව සෞඛ්ය අර්බුදයක් නියෝජනය කරන බව එම සෞඛ්ය අංශ වැඩිදුරටත් ප්රකාශ කරනවා.
අපද්රව්යවල වෛරසය හඳුනාගැනීම හේතුවෙන් ගාසා පදිංචිකරුවන් දහස් ගණනකට පෝලියෝ වැළඳීමේ අවදානමක් පවතින බවටයි අනතුරු අඟවා ඇත්තේ.
පෝලියෝ යනු ස්නායු පද්ධතියට පහර දෙන ඉතා ඉක්මනින් බෝවන වෛරස් රෝගයක් වන අතර, පැය කිහිපයක් ඇතුළත සම්පූර්ණ අංශභාගය ඇති කළ හැකි වෛරසයක්.
ලෝක සෞඛ්ය සංවිධානයට අනුව, ගාසා තීරයේ ඊශ්රායලය විසින් ප්රහාර උත්සන්න කිරීම මරණ හා තුවාල අඛණ්ඩව ඉහළ යාම, නවාතැන්වල දැඩි තදබදය, සෞඛ්ය, ජලය සහ මළාපවහන පද්ධති අකර්මන්යවීම හේතු වී ඇති අතර, එමඟින් බෝවන රෝග පැතිරීම වේගවත්ව තිබෙනවා.
