පසුගිය පාලන සමයේ දි ආනයනික සීනි සඳහා බදු අඩු කිරීමේ දි රජයට රුපියල් කෝටි 1590ක් පාඩු වු බව පවසමින් ගොනු කෙරුණු මුලික අයිතිවාසිකම් පෙත්සම සලකා බැලීම සඳහා ලබන වසරේ අප්රේල් 02 වැනිදා කැඳවීමට ශ්රේෂ්ඨාධිකරණය දින නියම කර තිබෙනවා.
හිටපු පාර්ලිමේන්තු මන්ත්රී සුනිල් හඳුන්නෙත්ති මහතා විසින් ගොනු කර ඇති මෙම පෙත්සම අද (12) එස් තුරෙයි රාජා, කුමුදුනි වික්රමසිංහ සහ ජනක් ද සිල්වා යන මහත්වරුන්ගෙන් සමන්විත විනිසුරු මඩුල්ල ඉදිරියේ කැඳවනු ලැබුවා.
එහිදි විනිසුරු මඩුල්ල නියෝග කළේ මෙම පෙත්සම සඳහා විරෝධතා ඇත්නම් සති අටක් ඇතුළත ගොනු කිරීමට පියවර ගන්නා ලෙසයි.
එමෙන්ම සංශෝධනය කරන ලද වග උත්තරකරුවන්ගේ නාම ලේඛනය සති හතරක් ඇතුළත ගොනු කිරීමට පියවර ගන්නා ලෙස ද නියෝග කෙරුණා.
ඔබේ ප්රතිචාරය කුමක්ද ?
+1
2
+1
+1
2
+1
+1
+1
1
+1
