ශ්‍රී ලංකා සිවිල් ගුවන් සේවා අධිකාරියේ කළක සිට පුරප්පාඩුව පැවති උසස් තනතුරු කීපයක් සඳහා නව පත් කිරීම් සිදුකර තිබෙනවා.
ඒ, අනුව නියෝජ්‍ය අධ්‍යක්ෂ ජනරාල් (ඒකාබද්ධ කළමනාකරණ) තනතුර සඳහා රමේෂා ද සිල්වා, නියෝජ්‍ය අධ්‍යක්ෂ ජනරාල් (ගුවන් නිරුපද්‍රිතතා රෙගුලාසි) තනතුර සඳහා පත්කළ ලසන්ත දහනායක වෙත පත්වීම් ලිපි ඊයේ (26) ප්‍රධානය කෙරුණා.
ඊට අමතරව අධ්‍යක්ෂ (ගුවන් ආරක්ෂක) තනතුර සඳහා ප්‍රදීප් වර්ණසූරිය සහ ජ්‍යෙෂ්ඨ සිවිල් ගුවන් සේවා පරීක්ෂක (ගුවන් යානා මෙහෙයුම්) තනතුරට පත් කළ ෂෙහාන් වත්තේවැව යන අය වෙත පත්වීම් ලිපි ප්‍රධානය කර තිබෙනවා.
රජයේ අනුමත සේවකයින් බඳවා ගැනීමේ පපටිපාටිය යටතේ, නව පත්වීම් ලිපි ප්‍රදානය කිරීම එම අධිකාරියේ සභාපති සුනිල් ජයරත්න සහ අධ්‍යක්ෂ ජනරාල් මෙන්ම ප්‍රධාන විධායක නිලධාරී දමිත් රඹුක්වැල්ල යන අයගේ ප්‍රධානවත්වයෙන් සිදුකරනු ලැබුවා.
