වයස අවුරුදු 04ක් වන තම දරුවා සමග සියදිවි නසා ගැනීමට ඉහළ කොත්මලේ ජලාශයට පැනපු කාන්තාවක් මහත් පරිශ්‍රමයක් දරා ප්‍රදේශවාසීන් විසින් බේරාගනු ලැබුව ද, දරුවාගේ සිරුර මෙතෙක් සොයා ගැනීමට හැකි ව නැහැ.
අප වාර්තාකරු පැවසුවේ මෙම අවාසනාවන්ත සිදුවීම ඊයේ (16) පස්වරුවේ තලවාකැලේ – හොලිරුඩ් ප්‍රදේශයේ දී සිදු ව ඇති බවයි.
41 හැවිරිදි කාන්තාවක් මෙලෙස ජලාශයට පැන ඇති අතර ඇයව ප්‍රදේශවාසීන් විසින් බේරාගෙන ලිදුල රෝහලට ඇතුළත් කර තිබෙනවා.
නමුත් ඇය ඔසවාගෙන පැන්න දරුවා ව මෙතෙක් සොයාගැනීමට හැකිව නැති බවයි වාර්තා වන්නේ.
සිද්ධිය සම්බන්ධයෙන් පොලිස් විමර්ශන ක්‍රියාත්මකයි.
