වසරේ අවසාන පොහෝ දිනය වන උඳුවප් පුර පසළොස්වක පොහෝ දිනය අදට යෙදී තිබෙනවා.
ආගමික සහ ශාසනික වශයෙන් වැදගත් සිදුවීම් රැසක් සිදු වූ මෙම උඳුවප් පොහෝ දිනය ලොව පුරා බෞද්ධයන් මහත් ශ්රද්ධාවෙන් සමරණ ඉතා වැදගත් පොහෝ දිනයක්.
දේවානම්පියතිස්ස රජතුමා ඉන්දියාවේ ධර්මාශෝක රජතුමන්ගෙන් කළ ඉල්ලීමට සංඝමිත්තා රහත් තෙරණින් වහන්සේ ජය ශ්රී මහා බෝධීන් වහන්සේගේ දක්ෂිණ ශාඛාව ද රැගෙන දඹකොළපටුනට වැඩම කරවීම සිදුවූයේ අද වැනි උඳුවප් පොහෝ දිනකයි.
එමෙන්ම මෙරට භික්ෂුණී ශාසනය පිහිටුවීම සිදුවුවේ ද උඳුවප් පොහෝ දිනයක බව ශාසන ඉතිහාසයේ දැක්වෙනවා.
මේ අතර බුදුරජාණන් වහන්සේ පා පහස ලත් උතුම් සිරිපා වන්දනාව ද ආරම්භ වන්නේ අදට යෙදෙන උඳුවප් පොහෝ දිනයේ දී වීම විශේෂත්වයක්.
අදට යෙදෙන උඳුවප් පොහෝ දිනයට සමගාමීව දිවයින පුරා සියලු වෙහෙර විහාරස්ථානවල ආමිස ප්රතිපත්ති පූජාවන්ට මුල්තැන දෙමින් ආගමික වතාවත් සිදුකරනු ලබනවා.
