ගාසා තීරයේදී හමාස් නායක යාහියා සින්වාර් මරා දැමුව ද, ගාසාවේ යුද්ධයේ අවසානය නොවන බව ඊශ්‍රායල අග්‍රාමාත්‍ය බෙන්ජමින් නෙතන්යාහු පවසනවා.
නෙතන්යාහු අග්‍රාමාත්‍යවරයා ඊයේ (17) පටිගත කරන ලද දේශනයක දී මේ බව සඳහන් කළා.
මේ අතර සින්වාර්ගේ මරණයත් සමඟ ගාසා ගැටුම් අවසන් වනු ඇතැයි බටහිර නායකයින් අපේක්ෂාවන් සිටි නමුත් නෙතන්යාහුගේ මෙම ප්‍රකාශයත් සමඟ එම අපේක්ෂාවන් මේ වනවිටත් බිඳී ගොස් තිබෙනවා.
ඊශ්‍රායල හමුදා ප්‍රධානී හර්සි හලේවි පැවසුවේ ඔහුගේ හමුදා සින්වාර් සමඟ “ලකුණු” සමථයකට පත් කර ඇති බවත්, සිය හමුදාව ඔක්තෝබර් 7 සංහාරයට සම්බන්ධ සියලුම ත්‍රස්තවාදීන් අල්ලාගෙන මේ වනවිට ජීවත්ව සිටින සියලු ප්‍රාණ ඇපකරුවන් ගෙදර ගෙන එන තෙක් සටන අත්නොහරින බවයි.
දකුණු ගාසා තීරයේ රෆාහි පෙරේදා සිදු වූ දරුණු ගැටුම්වල දී ඔක්තෝබර් 7 ප්‍රහාරයේ මහ මොළකරු බවට ඊශ්‍රායල බලධාරීන් විසින් හඳුනාගෙන සිටි හමාස් නායයෙකු වූ යාහියා සින්වාර් මරා දැමූ බව ඊශ්‍රායල හමුදාව ඊයේ (17) ප්‍රකාශ කළා.
