සින්නක්කර ඉඩම් ඔප්පු ලබාදීමේ “උරුමය” ජාතික වැඩසටහන ජූනි මාසය වන විට අවසන් කිරීමට තමා නිලධාරීන්ට උපදෙස් ලබා දී ඇති බව ජනාධිපති රනිල් වික්රමසිංහ පවසනවා.
කුමන ජන කොටසකට අයත් වූවද සෑම පුරවැසියෙකුගේම සිහිනය ඉඩමක නීත්යානුකූල හිමිකම ලබා ගැනීම බව පෙන්වා දුන් ජනාධිතිවරයා එම අයිතිය සියලු දෙනාට හිමි විය යුතු බව තමාගේ විශ්වාසය බවයි සදහන් කළේ.
ජනාධිපති රනිල් වික්රමසිංහ මේ බව සඳහන් කර සිටියේ අද (22)දින පෙරවරුවේ යාපනය ඔට්ටගපුලම් ප්රදේශයේදී පැවති උරුමය සින්නක්කර ඉඩම් ඔප්පු ලබාදීමේ වැඩසටහනට එක් වෙමින්.
මිලියන 02ක ජනතාවකට සින්නක්කර ඉඩම් අයිතිය ලබාදීම සඳහා ක්රියාත්මක උරුමය වැඩසටහන යටතේ යාපනය ජනතාව වෙනුවෙන් ඉඩම් ඔප්පු 408ක් ලබාදීම මෙහිදී සිදු වූ අතර ජනාධිපතිවරයා සංකේතාත්මකව මෙහිදී ඔප්පු ප්රදානය කිරිමටද එක් වුණා.
මේ අතර යාපනය ආරක්ෂක සේනා මූලස්ථානය විසින් පරිහරණය කරන ලද ඉඩම් නිදහස් කිරීම ද මෙයට සමගාමීව අද (22)දින පලාලි ගුවන් හමුදා කඳවුරේ දී ජනාධිපති රනිල් වික්රමසිංහගේ ප්රධානත්වයෙන් සිදු කෙරුණා.
දුප්පත් ඉඩම් නැති පුද්ගලයන්ට ඉඩම් ලබාදෙමින් සිදුකරන මේ සත් ක්රියාවට පින් සිද්ධ වේවා.