සන්දිවේලි පොලිස් වසමේ මොරකොටන්චේන – කළුවන්කේණි මාර්ගයේ දී පාපැදිකරුවෙක් කැබ් රථයක ගැටී ඊයේ (22) උදෑසන බරපතළ අනතුරක් සිදුව තිබෙනවා.
මෙම අනතුරින් බරපතළ තුවාල ලැබූ පාපැදිකරු රෝහල් ගත කිරීමෙන් පසු මියගොස් ඇති බවයි පොලිසිය පැවසුවේ.
මෙලෙස මියගොස් ඇත්තේ අවුරුදු 44 ක් වූ පානගමුව ප්රදේශයේ පදිංචිකරුවෙක් බවයි වාර්තා වුණේ.
අනතුරින් මියගිය පුද්ගලයාගේ බිරිඳ හා දරුවා විසින් මෙම මරණය සැකකටයුතු බවට ප්රකාශ ලබාදී ඇති අතර අනතුර සම්බන්ධ විමර්ශනයේදී මෙම අනතුර සැලසුම් සහගතව සිදුකළ අනතුරක් බවට නිරීක්ෂණය වී තිබෙනවා.
අනතුරට සම්බන්ධ කැබ් රථයේ රියදුරු අනතුරින් පසු පලාගොස් සිටිය දී අත්අඩංගුවට ගෙන ඇති බවයි වාර්තා වුණේ.
වයස අවුරුදු 24ක් වයසැති සැකකාර රියදුරා සහ අනතුරින් ජීවිතක්ෂයට පත්වූ පුද්ගලයා අතර පැවති පැරණි ආරවුලක් හේතුවෙන් මෙම ඝාතනය සිදුකර ඇති බවට දැනට සිදුකරන ලද විමර්ශනයේ දී අනාවරණය වී ඇති බවයි පොලිසිය සඳහන් කළේ.
සිද්ධිය සම්බන්ධයෙන් සන්දිවේලි පොලිසිය විසින් වැඩිදුර විමර්ශන සිදුකරනු ලබනවා.
