රාජ්ය දේපළක් බවට පත්කර ඇති මල්වානේ පිහිටි අක්කර 16ක සුප්රකට ඉඩමට ඇතුළු වූ අන්තර් විශ්ව විද්යාලීය ශිෂ්ය බල මණ්ඩලයේ පිරිසක් අද (16) සවස බත්තරමුල්ල ඉසුරුපාය අධ්යාපන අමාත්යාංශයට පැමිණියා.
ඒ එම අමාත්යාංශයෙන් සාකච්ඡාවක් සඳහා ලැබුණු ආරාධනාවට අනුවයි.
ඒ අනුව අධ්යාපන අමාත්යාංශයට පැමිණි බවත් අමාත්යාංශ ලේකම්වරු කිහිපදෙනෙක් සමග සාකච්ඡා කළ ද එම සාකච්ඡා සාර්ථක නොවීම නිසා තවදුරටත් මල්වානේ ඉඩමේ රැඳී සිටින බවට අන්තර් විශ්ව විද්යාලයේ ශිෂ්ය බල මණ්ඩලයේ කැඳවුම්කරු සසිඳු පෙරේරා පවසනවා.
තවද මෙම සිදුවීමත් සමග විපක්ෂයේ දේශපාලකයන් කලබල වී ඇති බවත් බැසිල් රාජපක්සට අයත් වූ මෙම ඉඩම වැනි ඉඩම් තවත් තිබෙන බවත් එම ඉඩම් අධ්යාපනය ක්ෂේත්රයට පවරාගෙන විශ්ව විද්යාල වල පවතින ගැටලු සඳහා ලබාදිය යුතු බවත් සසිඳු පෙරේරා ප්රකාශ කළා
