නිවසක් තුළ දී සිය සහෝදරියගේ රන් පෙන්ඩනය කොල්ල කා පලාගිය පුද්ගලයකු අත්අඩංගුවට ගත් බව කැස්බෑව පොලිසිය පවසනවා.
සැකකරු මීට දින කිහිපයකට පෙර කුලී පදනම මත ලබාගත් ත්රිරෝද රථයකින් සිය සහෝදරියගේ පිළියන්දල, කහපොල ප්රදේශයේ පිහිටි සිය සහෝදරියගේ නිවසට පැමිණ ඇයගෙන් රුපියල් 1000ක මුදලක් ඉල්ලා තිබෙනවා.
එහිදී තමන් සතුව මුදල් නොමැති බවට සහෝදරිය සඳහන් කිරීමත් සමඟ සැකකාර සහෝදරයා එක්වරම සහෝදරිය වෙත කඩා පැන ඇය පැළඳ සිටි රන් මාලය කොල්ල කෑමට උත්සාහ කර ඇති බවයි වාර්තා වන්නේ.
එම අවස්ථාවේ දී සහෝදරිය දැඩි පරිශ්රමයක් දරා රන්මාලය අල්ලාගෙන ඇති අතර, අතට හසුවූ පෙන්ඩනය පමණක් රැගෙන සැකකාර සහෝදරයා ත්රිරෝද රථයේ නැඟ පලාගොස් ඇති බව සඳහන්.
පසුව කොල්ලකෑම සම්බන්ධයෙන් සහෝදරිය පොලිසියට පැමිණිල්ලක් සිදුකර ඇති අතර, ඒ අනුව සිදුකළ විමර්ශනවල දී සැකකරු පානදුර, හිරණ ප්රදේශයේ දී අත්අඩංගුවට ගැනීමට පොලිසියට හැකිව තිබෙනවා.
අත්අඩංගුවට ගැනුණු සැකකරුගෙන් කළ ප්රශ්න කිරීම්වලදී කොල්ල කන ලද රන් පෙන්ඩනය මිතුරකු ලවා මොරටුව ප්රදේශයට උකස්කර රුපියල් 17,000ක මුදලක් ලබාගෙන ඇති බවයි අනාවරණය වී ඇත්තේ.
එලෙස ලබාගත් මුදල්වලින් හෙරොයින් පානය කළ බවත් සැකකරු පොලිසියට පවසා තිබෙනවා.
ඒ, අනුව රන් පෙන්ඩනය මොරටුව ප්රදේශයේ පිහිටි උකස් මධ්යස්ථානක තිබී පොලිස් භාරයට ගෙන ඇති අතර, අත්අඩංගුවට ගැනුණු 26 හැවිරිදි සැකකරු කැස්බෑව මහේස්ත්රාත් අධිකරණය වෙත ඉදිරිපත් කිරීමට නියමිත බවයි වාර්තා වුණේ.
