සබරගමුව විශ්වවිද්‍යාලයේ කෘෂි විද්‍ය පීඨයේ දෙවන වසරේ සිසුවියකට සහ සිසුන් දෙදෙනකුට පහරදීමේ සිද්ධියට සම්බන්ධ එම විශ්වවිද්‍යාලයේ ජ්‍යෙෂ්ඨ සිසුන් 07 දෙනෙක් අත්අඩංගුවට ගෙන තිබෙනවා.
මොවුන් ඊයේ (11) පස්වරුවේ අත්අඩංගුවට ගත් බවයි සමනලවැව පොලිසිය සඳහන් කළේ.
පසුගිය 09 වනදා රාත්‍රියේ විශ්වවිද්‍යාල භූමියේ දී මෙම පහරදීම සිදුකර ඇති අතර, එහිදී තුවාල ලැබූ සිසුවිය සහ සිසුන් දෙදෙනා ප්‍රතිකාර සඳහන් පඔහින්න රෝහලට ඇතුළත් කෙරුණා.
අනතුරුව සිසුන් දෙදෙනා වැඩිදුර ප්‍රතිකාර සඳහා බලංගොඩ මූලික රෝහලට මාරුකර යවා තිබූ බවයි තොරතුරු වාර්තා වුණේ.
දෙවන වසරේ සිසුන් පිරිසක් පිටතින් ආහාර රැගෙන විත් කෘෂි විද්‍ය පීඨයේ ආපනශාලාවේ රාත්‍රි ආහාර ලබාගනිමින් සිටිය දී ජ්‍යෙෂ්ඨ සිසුන් පිරිසක් පැමිණ එහි විදුලිය විසන්ධිකර මෙම පහරදීම සිදුකර ඇති බවයි විමර්ශනවල දී පසුව අනාවරණය වී ඇත්තේ.
සිද්ධිය සම්බන්ධයෙන් අත්අඩංගුවට ගැනුණු සැකකාර සිසුන් අද (12) දිනයේ දී බලංගොඩ මහේස්ත්‍රාත් අධිකරණට ඉදිරිපත් කිරීමට නියමිත බව පොලිසිය පැවසුවා.
