අද (25) කැඳවා ඇති එක්සත් ජනතා නිදහස් සන්ධානයේ රැස්වීම සඳහා ශ්‍රී ලංකා නිදහස් පක්ෂයේ වැඩ බලන සභාපති නිමල් සිරිපාල ද සිල්වාගේ පාර්ශ්වය සහභාගී නොවන බව වාර්තා වනවා.
ඒ, අනුව වැඩ බලන සභාපති නිමල් සිරිපාල ද සිල්වා, ජාතික සංවිධායක දුමින්ද දිසානායක, ජ්‍යෙෂ්ඨ උප සභාපති මහින්ද අමරවීර, භාණ්ඩාගාරික ලසන්ත අලගියවන්න, උපලේකම් ජගත් පුෂ්පකුමාර, උප සභාපති සුරේන් රාගවන ඇතුළු පිරිසක් අද (25) පැවැත්වෙන මෙම රැස්වීම සඳහා එක්නොවන බවයි දේශපාලන ආරංචි මාර්ග සඳහන් කළේ.
එක්සත් ජනතා නිදහස් සන්ධානයේ මහලේකම් ධුරය පිළිබඳව මැතිවරණ කොමිසමෙන් තිලංග සුමතිපාල හා මහින්ද අමර යන දෙදෙනාම පිළි නොගන්නා බවට දන්වා තිබෙන අවස්ථාවක මෙම රැස්වීම සඳහා එක නොවීමට තීරණය කර ඇති බවයි එම පාර්ශ්වය පැවසුවේ.
