මැදපෙරදිග යුදමය තත්ත්වය හේතුවෙන් උද්ගතව තිබෙන ගෝලීය ආර්ථික අර්බුදය හමුවේ ලෝක වෙළෙඳපොළේ භාණ්ඩ හා සේවාවල මිල ඉහළ යමින් පවතින පසුබිමක, මෙරට ජනතාවට සහන සැලසීම වෙනුවෙන් ලංකා සතොස හරහා අත්යවශ්ය භාණ්ඩ 18ක මිල පහත හෙළීමට තීරණය කර තිබෙනවා.
ආනයනික භාණ්ඩවල මිල ගණන් විශාල වශයෙන් ඉහළ යාම සැලකිල්ලට ගෙන ජනතාවාදී රජයක් ලෙස ජනතාවට සහන සැලසීම සඳහා රජය සතු රාජ්ය යාන්ත්රණය උපරිම අයුරින් ක්රියාත්මක කිරීමට පියවර ගනිමින් තිබෙන බවයි වෙළෙඳ, වාණිජ, ආහාර සුරක්ෂිතතා සහ සමූපකාර සංවර්ධන අමාත්ය වසන්ත සමරසිංහ සඳහන් කළේ.
ඒ අනුව, හෙට (10) සිට ක්රියාත්මක වන පරිදි ලංකා සතොස ආයතනය මඟින් අලෙවි කරනු ලබන භාණ්ඩ 18ක මිල, පිටකොටුවේ තොග මිලටත් වඩා අඩු මිල ගණන් යටතේ පහත හෙළීමට අවශ්ය තීන්දු තීරණ ගෙන ඇති බවයි අමාත්යවරයා පැවසුවේ.
ලොකු ලූණු, සුදු සීනි, පරිප්පු, කවුපි, කඩල, මුං ඇට, රට කජු, තිරිඟු පිටි, රතු කැකුළු සහල්, රතු නාඩු සහල්, සම්බා සහල්, සුදු නාඩු සහල්, පොන්නි සම්බා ඇතුළු අත්යවශ්ය අහාර ද්රව්ය 18ක මිල ගණන් මෙලෙස අඩු කිරීමට කටයුතු කර තිබනවා.
මොන සතොසෙද ඔය බඩු ගන්න පුළුවන් ?
සාමාන්යයෙන් අපි දන්න සතොසෙ නම් ගන්න ගියාම බඩු නෑ.. එක්කෝ ඔක්කොම කළු කඩ කාරයො මිලදී ගෙන, එහෙම නැත්නම් ඇතුලෙ කට්ටිය තම හිතවතුන්ට දෙන්න හංගගෙන.