සමගි ජන බලවේගය යටතේ ජාතික ලැයිස්තුවෙන් එන මන්ත්‍රී ආසන 05 පිළිබඳ ව මෙතෙක් නිල වශයෙන් නිවේදනය කර නොමැති බව එම පක්ෂයේ මහ ලේකම් රංජිත් මද්දුම බණ්ඩාර මහතා පවසනවා.
අද (17) පක්ෂ මූලස්ථානයේ දී පැවැති මාධ්‍ය හමුවකට එක්වෙමිනුයි මහලේකම්වරයා මේ බව කියා සිටියේ.
මාධ්‍යවේදියා හිටපු මන්ත්‍රීවරයාගෙන් විමසා සිටියේ ඔහු ජාතික ලැයිස්තුවෙන් පැමිණීමට අපේක්ෂා කරන්නේ ද යන වගයි.
එහිදී සිනහ මුසු මුහුණින් සමගි ජන බලවේගය පක්ෂ මහලේකම් රංජිත් මද්දුමබණ්ඩාර මහතා පැවසුවේ; ”ඉතිං මහලේකම් විදියට අත්සන් කරන්නෙත් මං නේ..” යනුවෙන්.
නමුත් සෙසු මන්ත්‍රී ආසන 04ට කවුරුන් පත් කරන්නේ ද යන කාරණය ගැන නිශ්චිත තීරණයක් මෙතෙක් ගෙන නොමැති බව ද සජබ මහලේකම්වරයා ප්‍රකාශ කළා.
මේ අතර තම පක්ෂයේ නායක සජිත් ප්‍රේමදාස මහතා ඇතුළු පක්ෂ සාමාජිකයින් ලබාගත් ආසන 40 ශක්තිමත් විපක්ෂයක භූමිකාව ඒ අයුරින් ම ඉටුකිරීමට සූදානමින් සිටින බව ද රංජිත් මද්දුම බණ්ඩාර මහතා පැවසුවා.
