කොලොන්නාව, මුතුරාජවෙල හා සපුගස්කන්ද ඇතුළු ඛනිජ තෙල් නීතිගත සංස්ථාවේ ඉන්ධන ගබඩා පර්යන්තවල ඇති ඉන්ධන ප්‍රමාණයට වඩා වැඩි ඉන්ධන ප්‍රමාණයක් රටේ වෙනත් තැන්වල පවතින බව බලශක්ති අමාත්‍ය කංචන විජේසේකර පවසනවා.
කොපමණ තෙල් පැමිණියත් අවශ්‍යතාවේ අඩුවක් සිදු වී නොමැති බවයි අමාත්‍යවරයා වැඩිදුරටත් පැවසුවේ.
ඉන්දියානු ණය වැඩපිළිවෙල යටතේ ලැබෙන අවසාන තෙල් නැව ලබන 16 වනදා පැමිණෙන බවයි ඔහු ප්‍රකාශ කළේ.
මේ අතර තවත් ඩොලර් මිලියන 500ක ණයක් ලබාගැනීමට ඉන්දියාව සමඟ සාකච්ඡා සිදුකරමින් පවතින බවද බලශක්ති අමාත්‍යවරයා සඳහන් කළා.
මේ අතර පොදු ප්‍රවාහනය සහ කර්මාන්ත සඳහා ඉන්ධන ලබා දීමේදී ප්‍රමුඛතාවයක් ලබා දීමට කටයුතු කිරීමට සිදු වන බව අමාත්‍යවරයා ඊයේ (10) කැඳවා තිබූ මාධ්‍ය හමුවකට එක් වෙමින් ප්‍රකාශ කළා.
