ශ්‍රී ලංකා ක්‍රිකට් කණ්ඩායමට හමුවෙන ඊළඟ අභියෝගය මෙන්න

ශ්‍රී ලංකා ක්‍රිකට් කණ්ඩායම ලබන මස 15 වනදා එංගලන්තය බලා පිටත්ව යාමට නියමිතව සිටිනවා.

ඒ, එක්දින තරගය තුනකට සහ විස්සයි විස්ස තරග තුනකට සහභාගී වීමටයි.

අදාළ තරගාවලියේ පළමු විස්සයි විස්ස තරගය ජුනි මස 23 වනදා සෝෆියා ගාඩ්න්ස් හිදී ආරම්භ වීමටයි නියමිතව ඇත්තේ.

දෙවන සහ තෙවන තරග පිළිවෙලින් 24 සහ 26 යන දිනවල පැවැත්වෙනු ඇති.

එමෙන්ම පළමු එක්දින ක්‍රිකට් තරගය 29 වනදාත්, දෙවන තරගය ජූලි මස පළමුවනදා පැවැත්වීමට නියමිතයි.

ජූලි මස 4 වනදා දෙරට තෙවන එක්දින ක්‍රිකට් තරගය පැවැත්වීමටයි කටයුතු යොදා ඇත්තේ.

අදාළ සංචාරය නිම කරමින් ශ්‍රී ලංකා කණ්ඩායම ජූලි මස 05 වනදා යළිත් දිවයිනට ළඟා වන බවයි ශ්‍රී ලංකා ක්‍රිකට් ආයතනය ප්‍රකාශ කළේ.