ශ්‍රී ලංකා පන්දු බලඇණිය හමුවේ නවසීලන්ත පිතිකරුවන් අසරණ වෙයි

සත්කාරක ශ්‍රී ලංකාව සමඟ පැවැත්වෙන දෙවන විස්සයි විස්ස තරගයේ පළමුව පන්දුවට පහර දුන් නවසීලන්ත කණ්ඩායම පන්දුවාර 19 පන්දු 03ක් තුළ සියල්ලන් දැවී ලකුණු 108ක් රැස් කළා.

එහිදී ශ්‍රී ලංකා පන්දු යවන්නන් මෙම තරගයේ දීත් දැඩි පීඩනයක් නවසීලන්ත පිතිකරුවන්ට එල්ල කරන ආකාරය දැකගත හැකි වුණා.

ආරම්භක පිතිකරු විල් යන්ග් ලකුණු 30ක් රැස්කරමින් නවසීලන්ත ඉනිම වෙනුවෙන් වැඩිම ලකුණු රැස්කළ පිතිකරුවා බවට පත් වුණා.

ඊට අමතරව නායක මිචෙල් සැන්ට්නර් ලකුණු 19ක් රැස් කළා.

පන්දු යැවීමේ දී පාදයේ ආබාධයකට ලක්ව තිබිය දීත් පන්දුවාර 04 යවා අවසන් කළ වනිඳු හසරංග ලකුණු 17ක් ලබා දී නවසීලන්ත ඉනිමේ ප්‍රධාන කඩුලු 04ක් බිඳ දැමුවා.

ඊට අමතරව නවසීලන්ත ඉනිමේ පළමු පන්දුවේදීම කඩුල්ලක් දවාගෙන තරගයට ප්‍රබල ලෙස අවතීර්ණ වූ නුවන් තුෂාර ලකුණු 22කට කඩුලු දෙකක් බිඳ දැමුවා.

මතීෂ පතිරණ ද නවසීලන්ත පිතිකරුවන් තිදෙනෙක් ලකුණු 11ක් තුළ දවාගත්තා.

ඒ, අනුව ශ්‍රී ලංකාව ක්‍රීඩා කරන 200 වන ජාත්‍යන්තර විස්සයි විස්ස තරගය වන මෙම තරගය ජයගැනීමට පන්දු 120ක් තුළ ලකුණු 109ක ඉලක්කයක් හිමිව තිබෙනවා.