පසුගිය 12 වනදා ජනාධිපතිවරයා සමඟ පැවැත් වූ සාකච්ඡාවේ සම්පූර්ණ වීඩියෝ පටිගත කිරීම් ලබාදෙන ලෙස ශ්රී ලංකා නීතිඥ සංගමය විසින් සිදුකළ ඉල්ලීමට ජනාධිපති කාර්යාලය ප්රතිචාර දක්වා තිබෙනවා.
ජනාධිපති කාර්යාලය ලිපියක් යොමු කරමින් පවසා ඇත්තේ, ශ්රී ලංකා නීතිඥ සංගමයේ සභාපතිවරයා විසින් කරන ලද නිල ප්රකාශවල සංස්කරණය නොකළ වීඩියෝ පටිගත කිරීම් අගෝස්තු 12 වන දිනම එම සංගමය වෙත ලබා දී ඇති බවයි.
එමෙන්ම රැස්වීමට සහභාගී වූ අනෙකුත් පාර්ශ්වයන්ගේ අදහස් දැක්වීම් සහ අදහස් දැක්වීම් ඇතුළත් පටිගත කිරීම්, අදාළ නිල ක්රියාපටිපාටීන්ට යටත්ව කඩිනමින් ලබාදීමට කටයුතු කරන බවද අදාළ ලිපිය මඟින් දැනුම් දී තිබෙනවා.
වීඩියෝ දර්ශන විධිමත්ව හා නිසි පරිදි ලබාදීමට ජනාධිපති කාර්යාලයේ සම්පූර්ණ සහයෝගය නිරන්තරයෙන් හිමිවන බවයි එම ලිපිය මගින් වැඩිදුරටත් දක්වා ඇත්තේ.
