ශ්‍රී ලංකා – කොදෙව් පළමු ටෙස්ට් තරගය; ධනංජයගේ ශතක ඉනිමෙන් ශ්‍රී ලංකා පළමු ඉනිම ගොඩයයි

සංචාරක ශ්‍රී ලංකා කණ්ඩායම සහ බටහිර ඉන්දීය කොදෙව්වන් අතර පළමු ටෙස්ට් තරගය අද නෝර්ත් සවුන්ඩ් හිදී ආරම්භ වුණා.

මෙම තරගයේ කාසියේ වාසිය දිනූ කොදෙව් ආරාධනයෙන් ශ්‍රී ලංකා කණ්ඩායම සිය පළමු ඉනිම වෙනුවෙන් පන්දුවට පහර දුන්නා.

එහිදී ශ්‍රී ලංකා කණ්ඩායම සිය පළමු ඉනිම වෙනුවෙන් සියල්ල දැවී ලකුණු 308ක් රැස් කිරීමට සමත් වුණා.

ශ්‍රී ලංකා පළමු ඉනිම වෙනුවෙන් නායක ධනංජය ද සිල්වා සිය 13 වන ජාත්‍යන්තර ටෙස්ට් ශතකය වාර්තා කරමින් ශ්‍රී ලංකා ඉනිමේ නැංගුරම බවට පත් වුණා.

ශ්‍රී ලංකා පළමු ඉනිමේ කඩුලු 03ක් ලකුණු 42ක් තුළ දැවී තිබිය දී සිව්වන කඩුල්ලට දිනේෂ් චන්දිමාල් සමඟ එක්වූ නායක ධනංජය ද සිල්වා සාර්ථක සබඳතාවක් ගොඩනඟමින් ශ්‍රී ලංකා ඉනිම ශක්තිමත් කළා.

එහිදී ධනංජය ද සිල්වා පන්දු 168ක් තුළ ලකුණු 120ක් රැස් කළ අතර, දිනේෂ් චන්දිමාල් ලකුණු 54ක් ශ්‍රී ලංකා පළමු ඉනිමට එක් කිරීමට සමත් වුණා.

සිය දෙවන ජාත්‍යන්තර ටෙස්ට් තරගය සඳහා එක් වූ සොනාල් දිනුෂ ලකුණු 43ක් රැස්කරමින් ශ්‍රී ලංකා ඉනිම ගොඩනැඟීමට දායක වුණා.

පන්දු යැවීමේ දී ජස්ටින් ග්‍රීව්ස් ශ්‍රී ලංකා පළමු ඉනිමේ කඩුලු 03ක් බිඳ දැමූ අතර, අල්සාරි ජෝසප්, කෙමාර් රෝච් සහ ෂමාර් ජෝසප් කඩුලු 02ක බැඟින් බිඳ දැමුවා.

තරගයේ පළමු දිනය අවසන්වන විට පළමු ඉනිම ක්‍රීඩා කරන කොදෙව්වන් පදුවාරයක් අවසානයේ ආරම්භ පිතිකරුවන් දෙදෙනා ලකුණු නොලබා කඩුල්ලේ රැඳී සිටියා.