පන්දුවාර 20-20 කාන්තා ලෝක කුසලාන තරගාවලියේ ස්කොට්ලන්තය පරදා තියුණු ජයක් වාර්තා කිරීමට ශ්රී ලංකා කාන්තා කණ්ඩායම හැකියාව ලැබුණා.
මෙම ජයග්රහණයත් සමඟ තරගාවලියේ ‘B’ කාණ්ඩයේ ප්රසාද ලකුණු සටහනේ තුන්වන ස්ථානය දක්වා පැමිණීමට ශ්රී ලංකා ක්රීඩිකාවන් සමත් වුණා.
එංගලන්තයේ මැන්චෙස්ටර් හිදී පැවති මෙම තරගයේ පළමු පන්දුවට පහර දුන් ස්කොට්ලන්ත කාන්තා කණ්ඩායම නියමිත පන්දුවාර 20 තුළ කඩුලු 06ක් දැවී 151ක ලකුණු පුවරුවක් නිර්මාණය කළා.
,ඒ අනුව තරගයේ ජයග්රහණය වෙනුවෙන් ශ්රී ලංකා ක්රීඩිකාවන්ට ලකුණු 152ක ඉලක්කයක් හිමි වූ අතර, එම ඉලක්කය හඹා ගිය ශ්රී ලංකාව පන්දුවාර 19යි පන්දු 05ක් තුළ කඩුලු 07ක් දැවී ලකුණු 154ක් රැස්කරගනිමින් තරගය ජයගත්තා.
ඒ, අනුව මෙම තරගය ස්කොට්ලන්තය පරදා කඩුලු තුනක ජයක් ශ්රී ලංකාවට හිමි වුණා.
ශ්රී ලංකා කාන්තා කණ්ඩායම මෙම තරගය ජයගෙන ‘B’ කාණ්ඩයේ ප්රසාද ලකුණු සටහනේ තුන්වන ස්ථාන දක්වා ඉදිරියට පැමිණියත් අවසන් පූර්ව වටයට පිවිසීමට ඇත්තේ ඉතා අවම අවස්ථාවක්.
මෙම ජයත් සමඟ මෙවර ලෝක කුසලාන තරගාවලියේ මූලික වටයේ සහභාගී වූ තරග තුනක් ජයගැනීමට ශ්රී ලංකා කාන්තා කණ්ඩායම මේ වනවිට හැකියාව ලැබී ඇති අතර, විස්සයි විස්ස ලෝක කුසලානයක ශ්රී ලංකා ක්රීඩිකාවන් තරඟ 03ක් ජයග්රහණය කළ ඉතිහාසයේ පළමු අවස්ථාව මෙයයි
wpDiscuz
