ශ්රී ලංකා ක්රිකට් ආයතනයේ හදිසි විධායක සභා රැස්වීමක් අද (28) දිනයේ කැඳවා තිබෙනවා.
මෙම විධායක සභා රැස්වීමේ දී ක්රිකට් ආයතනයේ සියලු සාමාජිකයන් සිය තනතුරුවලින් ඉල්ලා අස්වීම හා ඉදිරි හදිසි ක්රිකට් නිලවරණයකට අවස්ථාව සැලසීම සම්බන්ධයෙන් සාකච්ඡාවනු ඇති බවයි තොරතුරු වාර්තා වන්නේ.
විධායක සභා රැස්වීමෙන් අනතුරුව තනතුරුවලින් ඉල්ලා අස්වීම් පිළිබඳ නිල ප්රකාශය නිකුත් කරනු ඇති බවයි තොරතුරු වාර්තා වුණේ.
මේ අතර ක්රිකට් සභාපති ෂම්මි සිල්වා ඇතුළු ක්රිකට් විධායක සභාවෙන් අනතුරුව, ශ්රී ලංකා ක්රිකට් පරිපාලනය සඳහා යළි නිලවරණය පැවැත්වෙන තෙක් අතුරු පාලක කමිටුවක් පත්කිරීමට නියමිත බව සඳහන්.
එලෙස පත කෙරෙන අතුරු පාලක කමිටුව විශේෂ මහ සභා රැස්වීමක් කැඳවා, නිලවරණ කමිටුවක් පත්කර ක්රිකට් නිලවරණය සංවිධාන කළ යුතුයි.
වත්මන් ක්රිකට් සභාපති ෂම්මි සිල්වා 2019 වසරේ පෙබරවාරි මාසයේ සිට මේ දක්වා එම තනතුරේ කටයුතු කර අතර,එම කාලය තුළ පැවති නිලවරණවල දී ඔහු අවස්ථා තුනක දී සභාපති තනතුරට තේරී පත් වුණා.
