ශ්‍රී ලංකා කණ්ඩායම නැවතත් නැඟිටීවි – ඔවුන්ට උත්තර දීමට ප්‍රශ්න ගොඩක් ඇත

ශ්‍රී ලංකා කණ්ඩායම නැවතත් නැඟිටිනු ඇතැයි තමන් බලාපොරොත්තුවන බව ක්‍රිකට් විස්තර විචාරක හර්ෂ බෝග්ලේ පවසනවා.

සිය නිල එක්ස් ගිණුමට සටහනක් එක්කරමින් හර්ෂ බෝග්ලේ පවසන්නේ ශ්‍රී ලංකාවට උත්තර දීමට ප්‍රශ්න ගොඩක් ඇති බවයි.

පැතුම් නිස්සංක, කුසල් මෙන්ඩිස්, සධීර සමරවික්‍රම, චරිත් අසලංක, දිල්ෂාන් මධුශංක, මහීෂ් තීක්ෂණ වැනි දක්ෂතා ඇති ක්‍රීඩකයින් සිටින කණ්ඩායමක් මෙතරම් අඩු දස්කම් දක්වන්නේ කෙසේ ද යන්න ගැටළුවක් බවයි ඔහු පවසන්නේ.

මේ අතර මෙවර එක්දින ලෝක කුසලාන තරගාවලියේ දී ශ්‍රී ලංකා කණ්ඩායමට මූලික වටයෙන්ම ඉවත්වීමට ඊයේ සිදු වුණා.

ඒ, තරගාවලියේ මූලික වටයේ සහභාගී වූ තරග නවයෙන් තරග හතක් පරාජයට පත්වීමත් සමඟයි.

එහි දී ශ්‍රී ලංකා ක්‍රීඩකයින්ගේ දුර්වල ක්‍රීඩා විලාශය පිළිබඳ දෙස් විදෙස් බොහෝ දෙනෙකුගේ අවධානයට ලක් වුණා.