ශ්රී ලංකාව සහ සංචාරක ඕස්ට්රේලියාව අතර තරග පහකින් සමන්විත එක්දින තරගාවලියේ තුන්වන එක්දින තරගය අද (19) කොළඹ ආර්. ප්රේමදාස ක්රීඩාංගනයේදී පැවැත්වීමට නියමිතයි.
ශ්රී ලංකාව සහ ඕස්ට්රේලියාව අතර පැවැත්වෙන 100 වන ජාත්යන්තර එක්දින තරගය ලෙසටයි අද තරගය ක්රිකට් ඉතිහාසයට එක්වෙන්නේ.
දෙරට අතර පළමු වරට එක්දින තරගයක් පවත්වා ඇත්තේ 1975 වසරේ ජුනි 11 වැනිදායි.
එම තරගය එංගලන්තයේ ලන්ඩන් නුවර කෙනින්ග්ටන් ඕවල් ක්රීඩාංගනයේදී පැවැත් වුණා.
දෙරට අතර මේ දක්වා පවත්වා තිබෙන තරග 99න් තරග 62ක් ජය ගැනීමට ඕස්ට්රේලියානුවන් සමත්ව ඇති අතර ශ්රී ලංකාව ජයගෙන ඇති තරග ගණන 33ක්.
තරග -5කින් සමන්විත මෙම තරගාවලියේ කණ්ඩායම් දෙකම එක් තරගය බැගින් ජයගෙන මේ වනවිට සම තත්ත්වයේ පසුවනවා.
මේ අතර, පළමු එක්දින තරගයේදී මස් පිඩු ආබාධයකට ලක්වූ වනිඳු හසරංග මේ වනවිට වෛද්ය අධීක්ෂණ යටතේ පසුවන බවයි ක්රිකට් ආයතන නිවේදනය කළේ.
කෙසේ වෙතත් ඔහු එක්දින තරගාවලිය පුරාවටම සංචිතයේ රඳවා තබාගැනීමට තීරණය කර ඇති බවයි වාර්තා වන්නේ.
ශ්රී ලංකා ක්රිකට් ආයතනය ඊයේ (18) නිකුත් කළ නිවේදනයේ වනිඳු අද පැවැත්වෙන තරඟයට ක්රීඩා කරන්නේ ද නැද්ද යන්න පිළිබඳව කිසිදු සඳහනක් කර තිබුණේ නැහැ.
මෙම ආබාධය හේතුවෙන් පසු ගියදා දෙරට අතර පැවති දෙවන එක්දින තරගය ද ඔහුට අහිමි වී ගියා.
