ජාත්‍යන්තර මූල්‍ය අරමුදලේ (IMF) දූත පිරිස ඉස්ලාමාබාද් සමඟ දිගු කලක් බලා සිටි මාණ්ඩලික මට්ටමේ ගිවිසුම (SLA) අත්සන් නොකර වොෂින්ටනයට ආපසු ගිය බව ඉහළ බුද්ධි ආරංචි මාර්ග උපුටා දක්වමින් CNN-News18 වාර්තා කළා.
මෙය පාකිස්තානයේ කඩා වැටුනු ආර්ථිකයට විශාල පසුබෑමක් ලෙස සැලකෙනවා.
මෙම වර්ධනය පාකිස්තානයේ ඊළඟ ණය වාරිකය ආසන්න වශයෙන් ඩොලර් බිලියන 01ක් අත්හිටුවා ඇති අතර, රටේ මූල්‍ය විනය සහ ව්‍යුහාත්මක ප්‍රතිසංස්කරණ සඳහා කැපවීම පිළිබඳ කනස්සල්ල මතු කර තිබෙනවා.
දීර්ඝ සාකච්ඡාවේ දී, අපේක්ෂිත පොරොන්දු සහ ප්‍රතිසංස්කරණ ඉටු කිරීම සඳහා ඉස්ලාමාබාද්හි “සහන කාලය” සඳහා වූ ඉල්ලීම් IMF වෙත ඒත්තු ගැන්වීමට අසමත් වී ඇතැයි සඳහන්.
අයවැය වැරදි කළමනාකරණය, පාරාන්ධ වියදම් සහ ඉහළ යන ආරක්ෂක වියදම් පිළිබඳ IMF නියෝජිතයන් කනස්සල්ල පළ කර තිබෙනවා.
මෑත කාලීන මහා ගංවතුර සහ 2025 මැයි මාසයේ ඉන්දියාව සමඟ ඇති වූ ගැටුමේ ද්විත්ව අභියෝග පිළිබඳව පාකිස්තාන බලධාරීන් IMF නියෝජිත කණ්ඩායමට පැහැදිලි කළ අතර, මග හැරුණු මූල්‍ය ඉලක්ක සඳහා හේතු ලෙස ඉදිරිපත් කර ඇත්තේ ඒ කරුණු දෙකයි.
