ශ්රී ලංකාවේ දකුණු කොරියානු තානාපති මිවයාන් ලී (Miyon Lee) මහත්මිය හා කතානායක අසෝක රන්වල මහතා අතර හමුවක් පැවැත්වුණා.
මෙම හමුවීම පසුගියදා (04) පැවැත්වුණු බවයි ඊයේ (11) දිනයේ දී මාධ්ය නිවේදනයක් නිකුත් කරමින් පාර්ලිමේන්තු මහලේකම් කාර්යාලය පැවසුවේ.
මෙම අවස්ථාවට පාර්ලිමේන්තුවේ මහලේකම් කුෂාණි රෝහණධීර මහත්මිය ද එක් ව සිටියා.
මෙම හමුවේ දී නව ධුරයෙන් වෙනුවෙන් දකුණු කොරියානු තානාපතිවරියගෙන් අසෝක රන්වල මහතාට සුබාශිංසන ද හිමිවුණා.
දකුණු කොරියාව හා ශ්රී ලංකාව අතර පවතින දිගුකාලීන සබඳතාව පිළිබඳ ව සිහිපත් කරමින් දකුණු කොරියානු තානාපතිනිය පැවසුවේ; ලංකාව සහ දකුණු කොරියාව අතර පවතින සමීප සබඳතාව ශක්තිමත් කරගත යුතු බවයි.
මහනුවර උමං මාර්ගයේ ( Kandy Tunnel) ව්යාපෘතියේ වැඩ කටයුතුවල ද අවසන් අදියර මේ වනවිට සිදු කෙරෙමින් තිබෙන බවයි ඇය වැඩිදුරටත් සඳහන් කළේ.
