අද විවිධ මාධ්‍යන්වල වාර්තා කර තිබුණා ශ්‍රී ලංකන් ගුවන් යානයක් වෙනත් යානයක හා ගැටීමේ අවදානමකින් ගලවා ගත් පුවතක්. කෙසේ වෙතත් ඒ ආකාරයට ගුවනේ දී ශ්‍රී ලංකන් ගුවන් යානයක් වෙනත් යානයක හා ගැටීමේ අවදානමක් කිසි ලෙසකින් වත් මතු නොවූ බව ශ්‍රී ලංකන් ගුවන් සමාගම ප්‍රකාශ කරනවා.
මාධ්‍ය නිවේදනයක් නිකුත් කරමින් ශ්‍රි ලංකන් ගුවන් සමාගම මේ බව ප්‍රකාශ කළා.
ශ්‍රී ලංකන් ගුවන් සේවය දක්වන්නේ, “ඇතැම් මාධ්‍ය වාර්තාවල දැක්වෙන ආකාරයට ගුවනේ දී UL 504 ගුවන් යානය තවත් ගුවන් යානයක ගැටීමේ අවදානමක් කිසි ලෙසකින්වත් මතු නොවූ බව ද අවධාරණය කරනු කැමැත්තෙමු.” යනුවෙන් එම මාධ්‍ය නිවේදනයේ සදහන්.
අදාළ UL 504 දරන ගුවන් යානයේ නියමුවන් කිසිදු උපද්‍රවයකින් තොරව එම ගුවන් යානය හැසිරවීමට සමත් වූ බව ශ්‍රී ලංකන් ගුවන් සමාගම සිය මාධ්‍ය නිව්වෙදනය ඔස්සේ තහවුරු කරනවා.
තව ද, යානය තුළ සිටි මගීන්, කාර්ය මණ්ඩලය මෙන් ම වටිනා උපකරණ ද ආරක්ෂා කරගනිමින්, අදාළ අනතුර වළක්වා ගැනීමට සමත් වූ UL 504 හි ගුවන් නියමුවන්ට ශ්‍රී ලංකන් ගුවන් සේවය විසින් ප්‍රශංසාව ද මාධ්‍ය නිවේදනය ඔස්සේ පළ කර සිටීමට කටයුතු කළා.
මාධ්‍ය නිවේදනය පහතින්
