මෙම වසරේ වෙසක් රාජ්‍ය උත්සවය මැයි මස 30 වනදා පැවැත්වීමට අවශ්‍ය කටයුතු සිදුකරන බව රාජ්‍ය පරිපාලන හා ස්වදේශ කටයුතු අමාත්‍ය චන්දන අබේරත්න පවසනවා.
ඒ සම්බන්ධයෙන් දැනුවම්ත් කිරීමට අමාත්‍යවරයා අද (24) දිනයේ අස්ගිරි සහ මල්වතු මහ නාහිමිවරුන් බැහැදැක තිබුණා.
“2026 වර්ෂයේ වෙසක් පෝය යෙදීම සම්බන්ධව ජෝතිෂ්‍ය ශාස්ත්‍රඥයින් අතර මත දෙකක් තිබුණා. ඒ අනුව මැයි මාසේ පළවෙනිදට වෙසක් පෝය යෙදෙන බව පෝය කමිටුව නිර්දේශ කරලා තිබුණේ. ඒ වුණාට ගෞරවනීය මහානායක ස්වාමීන් වහන්සේලා හතර නමම ජනාධිපතිතුමාට දැනුම්දීලා තිබුණා මැයි 30 වෙනිදා තමයි විසා නැකත යෙදෙන්නේ ඒ නිසා මැයි 30 වෙනිදා යෙදෙන පෝය දවස පිළිබඳව අවදානය යොමුකරන්න කියන කාරනාව. අපි ඒ පිළිබඳව අවදානය යොමුකරලා නැවත පෝය කමිටුව රැස් කළා. ඒ පෝය කමිටුවෙත් නිර්දේශ මත මැයි මාසේ 30 වෙනිදා වෙසක් රාජ්‍ය උත්සවය පැවැත්වීමට එකඟතාව පළවුණා.”
