වෙනිසියුලාවේ උප ජනාධිපතිනි ඩෙල්සි රොඩ්රිගස්ට එරට වැඩබලන ජනාධිපති ධුරය භාරගන්නා ලෙස නියෝගයක් ලැබී තිබෙනවා.
වෙනිසියුලානු ශ්රේෂ්ඨාධිකරණයෙන් උප ජනාධිපතිවරියට මෙම නියෝගය නිකුත් කර ඇති බවයි විදෙස් වාර්තා සඳහන් කළේ.
ඒ අනුව ජාතියේ පරිපාලන අඛණ්ඩතාව සහ පුළුල් ආරක්ෂාව සහතික කිරීම සඳහා වෙනිසියුලාවේ බොලිවේරියානු ජනරජයේ ජනාධිපති ධුරය ඇය විසින් භාරගත යුතු බව අධිකරණ තීන්දුවේ සඳහන්.
අමෙරිකානු හමුදා මෙහෙයුමක් මගින් රටින් පිටුවහල් කර නිව්යෝර්ක් නුවර වෙත රැගෙන ගිය වෙනිසියුලානු ජනාධිපති නිකොලස් මධුරෝ සහ ඔහුගේ බිරිඳ මේ වනවිට බෘක්ලින්හි මෙට්රොපොලිටන් රැඳවුම් මධ්යස්ථානයේ රඳවා සිටින බවයි තොරතුරු වාර්තා වන්නේ.
