ජනාධිපති කාර්යාලය විසින් පසුගිය මැයි 15 වන දින පවත්වන ලද වාහන ටෙන්ඩර් ක්රමයට විකිණීමේ දෙවෙනි අදියර පිළිබඳව විවිධ අසත්ය ප්රචාර ඇතැම් ජනමාධ්ය ඔස්සේ සහ විශේෂයෙන් සමාජ මාධ්ය ඔස්සේ පළ කෙරෙමින් තිබීම නිරීක්ෂණය වී ඇති බව ජනාධිපති මාධ්ය අංශය පවසනවා.
වත්කම් කළමනාකරණ චක්රලේඛ 05/2024 යටත්ව මෙහිදී කටයුතු කර ඇති බවයි එම අංශය නිවේදනයක් නිකුත් කරමින් සඳහන් කළේ.
මෙලෙස ටෙන්ඩර් ක්රමයට විකිණීමේදී රජයේ විවෘත ටෙන්ඩර් පටිපාටිය අනුගමනය කර ඇති බවත් 2025-04-23 වන දින නියමිත පටිපාටියට අනුව පුවත්පත් නිවේදන මගින් ටෙන්ඩර් කැඳවීම ප්රසිද්ධියට පත් කරනු ලැබ තිබූ බව අදාළ නිවේදනයේ දැක්වෙනවා.
ඒ වෙනුවෙන් මුදල් ගෙවා ටෙන්ඩර් අයදුම්පත් ලබාගත් අයදුම්කරුවන් 108 දෙනෙකු ටෙන්ඩර් පත් කැඳවීම අවසන් වූ 2025-05-15 දිනට තමන්ගේ මිල ගණන් ඉදිරිපත් කර තිබූ බවත්, එදින පෙ.ව 11.00ට ටෙන්ඩර් පත් විවෘත කර ටෙන්ඩර් ක්රමයට වාහන අලෙවි කිරීම සිදු කරන ලද්දේ නියමිත පටිපාටිය අනුව බවයි පවසන්නේ.
එහිදී රජයේ තක්සේරු වටිනාකම ඉක්මවා ඉහළම මිල ගණන් ඉදිරිපත් කරන ලද ටෙන්ඩර් අයදුම්කරුවන්ට වාහන අලෙවි කිරීමට කටයතු කළ බවයි එහි දැක්වෙන්නේ.
ඇතැම් වාහන සඳහා රජයේ තක්සේරුව ඉක්මවා මිල ගණන් ඉදිරිපත් නොවූ බැවින්, අලෙවි කරන ලද්දේ ඉදිරිපත් කරන ලද වාහන 26න් 17ක් පමක් බව ජනාධිපති මාධ්ය අංශය නිකුත් කළ නිවේදනයේ සඳහන්.
එලෙස රජයේ තක්සේරු වටිනාකම ඉදිරිපත් නොවූ වාහන අතරට වාහන 09ක් ඇතුළත් බවයි පවසන්නේ.
ඒ, අනුව 2025-05-15 වන දින සිදු කෙරුණු ටෙන්ඩර් ක්රමයට වාහන අලෙවි කිරීමේදී, අලෙවි වූ වාහන පිළිබඳ විස්තරය මෙලෙස දක්වා තිබුණා.
රජයේ තක්සේරු වටිනාකම ඉදිරිපත් නොවූ නිසා අලෙවි නොවු වාහන 09 පිළිබඳ තොරතුරු පහතින්.
එසේ තිබියදී මෙම ටෙන්ඩර් ක්රමයට වාහන අලෙවි කිරීම පිළිබඳව විවිධ අසත්ය පුවත් නිර්මාණය කරමින් ඒවා ජනමාධ්ය ඔස්සේ ප්රචාරණය කිරිමට යම් සංවිධානාත්මක පිරිසක් කටයුතු කරමින් සිටින බව පෙනීයන බවයි ජනාධිපති මාධ්ය අංශය වැඩිදුරටත් සඳහන් කරන්නේ.
පසුගිය පාලනයන් තුළ මහජන මුදලින් මිලට ගන්නා ලද මෙම සුඛෝපභෝගී වාහන මහජන මුදලින් නඩත්තු කරමින් ඒවා පාවිච්චි කරමින් සහ නාස්ති කරමින් අබලන් තත්ත්වයට පත් කළ දූෂිත කණ්ඩායම් තමන්ගේ වරප්රසාද අහිමි වීමත් සමග වියරු වැටී සිටින බව මෙම කලබලයෙන් පැහැදිලි බවත්,ඔවුහු තමන්ගේ නාළිකා සහ සමාජ මාධ්ය කුලී ලියන්නන් යොදා ගනිමින් තමන් අතට පත්වන ඕනෑම දෙයකින් ආණ්ඩුවට පහර දෙන තත්ත්වයට ඇද වැටී සිටින බව එහි දැක්වෙනවා.
මෙම තත්ත්වය හමුවේ මෙම අසත්ය පුවත් වාර්තාකරණය හා සාවද්ය සමාජ මාධ්ය භාවිතය අතිශය පිළිකුල් සහගත වන අතර මෙම ද්වේශ සහගත ප්රචාරයන් කරමින් මහජනතාව නොමග යැවීමට එරෙහිව දැනටමත් අපරාධ පරීක්ෂණ දෙපාර්ත්තමේන්තුවට පැමිණිලි කරන බවයි අදාළ නිවේදනය මඟින් අවධාරණය කර ඇත්තේ.
